زوڵف لە شیعری شاعیران ئەم بابەتە بریتییە لە شیعری چەند شاعیریکی ناو دار کە لەسەر زولف گوتیانە و چۆن باسی زوڵفیان کردووە وەک شاعیران (نالی، سالم، کوردی، وەفایی، حاجی قادری کۆیی، شێخ ڕەزا، ئەحمەد موختار جاف، ئەدیب، ئەدەب، تاهیر بەگی جاف، سافی، قانع، حەریق، دڵدار، سەلام).

مەکەن لۆمەی پەشێوی دڵ کە ئەمشەو!
پەشێواوە لەبەر پەرچەم پەشێوان!
نالینالی
سەری زوڵفت لە خەودا دێتە سەر ڕوو
دەکا خەو خۆ لەبەر چاوم سیامار!
سالمسالم
تاڵانی سەر و ماڵم چاوی ڕەشی فەتتانت
پابەندی دڵ و دینم کاکۆڵی پەرێشانت
کوردیکوردی
بەس عومری من بە بادە، ڕووت بێنە زوڵفت لادە
دڵ بۆیە نامرادە بەو شەوە ڕۆژ گیراوە!
وەفاییوەفایی
کە هەستا قامەتی بەرزی، لە فەرقی تاوەکو ئەرزی!
پەرێشان زوڵفی سەد تەرزی، بەسەر یەک داڕژاو لەرزی!
حاجی قادری کۆییحاجی قادری کۆیی
شێخ دەگۆڕێتەوە گەر چاوی بە زوڵفت بکەوێ!
خەرقە و سبحە بە زننار و کلیسا و سەلیب!
شێخ ڕەزاشێخ ڕەزا
شاعیرانی کورد بەسە بەس باسی زوڵف و چاو بکەن!
کەم خەیاڵی پەرچەم و کاکۆڵی ئاڵۆزاو بکەن!
ئەحمەد موختار بەگی جافئەحمەد موختار بەگی جاف
حەیرانی دەمت بم بە مەسەل شووشە گوڵاوە!
قوربانی دوو زوڵفت کە دەڵێی سونبولی خاوە!
ئەدیبئەدیب
وتم ماڵم ئەشێوێ من کە با زوڵفت ئەشێوێنێ!
وتی شێواوی زولفی من ئەبێ ماڵی
بە بادا بێ!
ئەدەبئەدەب
غوڵامی سەروی باڵاتم ئەسیری زوڵفی تاتاتم!
شەهیدی چاوی شەهلاتم، قڕانی
عاشقان با بێ!
تاهیر بەگی جافتاهیر بەگی جاف
ئەم پەرچەم و ئەگریجە هەموو دوشمنی دینە!
ئەو زوڵف و ڕووە ئافەتی سەر ڕوی زەمینە!
سافی هیرانیسافی هیرانی
زوڵفت وەکو مار و سەری زوڵفت چزی عەقرەب!
پەرچەم وەکو سالداتی عروسن بە موتەرەب!
قانعقانع
بۆ گوڵی ڕووت هاتم و پەرچەم ئەبینم بۆیە وا
ماهی نەورۆزم بە شیوەن وەک محەڕەم خۆی نواند!
حەریقحەریق
دڵ لە بەینی تەلعەتی ڕوو و زوڵفەکەی دەیجورتە
گاهێ مەیلی شەو ئەکات و گاهێ مەیلی نوورتە!
دڵداردڵدار
بە یادی شەو کەوا تاریک و تارە!
کە سەرتاپای ڕەشە وەک زولفی یارە!
سەلام. [1]