بە سەرپەرشتیی سەرۆکی ئەنجوومەنی وەزیرانی هەرێمی کوردستان، ئەنجوومەنی وەزیران کۆ دەبێتەوە و سێ پرس تاوتوێ دەکرێن.
ئەمڕۆ ڕێکەوتی #20-12-2023# بە سەرپەرشتیی #مەسرور بارزانی#، سەرۆکی ئەنجوومەنی وەزیران و بە ئامادەبوونی #قوباد تاڵەبانی#، جێگری سەرۆکی ئەنجوومەنی وەزیران، ئەنجوومەنی وەزیران کۆ دەبێتەوە و تێیدا سێ بڕگە تاوتوێ دەکرێن.
بڕگەی یەکەمی کۆبوونەوەکە بریتی دەبێت لە دواپێشهاتی هەردوو دۆسیەی هەموارکردنەوەی یاسای بودجەی گشتیی فیدراڵ و دۆسیەی نەوت و گازی هەرێمی کوردستان.
بڕگەی دووەم بریتی دەبێت لە خستنەڕوو و خوێندنەوەی یەکەم بۆ مادە و بڕگەکانی ڕەشنووسی یەکەمی ڕێنوێنیی کارکردنی کرێکاری بیانی لە هەرێمی کوردستان.
بڕگەی سێیەم تایبەت دەبێت بە جێبەجێکردنی بڕیاری پێشووی ئەنجوومەنی وەزیران، لەبارەی سوودمەندانی مووچەی شەهید و ئەنفالکراوان. [1]