پاشنیوەڕۆى ئەمڕۆ شەممە #13-01-2024# بەڕێز #نێچیرڤان بارزانى#، سەرۆکى هەرێمى کوردستان، لە #بەغدا# لەگەڵ بەڕێز محەمەد حەلبووسى، سەرۆکى پارتى تەقەدوم کۆبووەوە.
لە کۆبوونەوەکەدا باسیان لە دۆخى سیاسى و ئەمنیى ئێراق، پەیوەندییەکانى #هەولێر# #بەغدا# و گفتوگۆى چارەسەرکردنى کێشەکانى نێوانیان کرد و تیشکیان خستە سەر هەڕەشە و مەترسییەکانى تیرۆر و دۆخى ناوچەکە بەگشتى.
هەردوولا هاوڕا بوون لەسەر گرنگیى هاریکاریى لایەنە سیاسییەکان بۆ بەرەنگاربوونەوەى ئاڵنگارییەکانى ئێستا و پاراستنى سەقامگیریى سیاسیى وڵات و دوورگرتنى لە لێکەوتەکانى دۆخى ئاڵۆزى ناوچەکە.
ئەنجامەکانى هەڵبژاردنى ئەنجوومەنى پارێزگاگانى ئێراق و ناوچەکانى مادەى 140ى دەستوور، لایەنێکى دیکەى کۆبوونەوەکە بوو. [1]