سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان# لەبروسکەیەکدا پیرۆزبایی لە یەکێتی مامۆستایانی کوردستان دەکات.

دەقی بروسکەکە...
بەڕێزان: سەرۆک و ئەندامانی سکرتاریەتی یەکێتیی مامۆستایانی کوردستان
مامۆستایانی هەڵگری مەشخەڵی پەروەردە و زانست

شەستەمین ساڵیادی دامەزراندنی یەکێتیی مامۆستایانی کوردستان لەئێوه و سەرجەم مامۆستایانی کوردستان پیرۆز دەکەم و ئەم یادەتان بە دەرفەت دەزانم تا دووپاتی بکەمەوە کە ئێوە هەڵگرو گەیەنەری پەیامێکی پیرۆزن و پشتیوانیکردنتان ئەرکێکی نیشتمانییە.
لە ماوەی (60) ساڵ تەمەندا، یەکێتیی مامۆستایانی کوردستان وەک ڕێکخراوێکی پیشەیی ڕۆڵی گرنگی بینیوە، لە خەباتی شاخ مامۆستایان هاوشانی پێشمەرگە قارەمانەکان لە ناوچە ئازادکراوەکان کچ و کوڕی گەلەکەمانیان پێدەگەیاند و نەیانهێشت پرۆسەی پەروەرده و خوێندن بفەوتێ، لەدوای ڕاپەرینیشەوە تا ئەمڕۆ سەرباری هەوراز و نشێوو قەیرانەکان، مامۆستایان بەوپەڕی لەخۆبردووییەوە کاریان کردووه و بەردەوام بوونە لە گەیاندنی پەیام زانست و پەروەردە، کە ئەمەش ڕۆڵێکی گرنگی هەبووە لە پێگەیاندنی نەوە لەدوای نەوەی گەلەکەمان.
دووبارە (60)ەمین ساڵیادی دامەزراندنی یەکێتیی مامۆستایانی کوردستان پیرۆز دەکەم.

#کۆسرەت ڕەسوڵ عەلی#
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان
#15-05-2022#

[1]

‎بەناوی خوای گەورەو میهرەبان
‎بەرێز: مامۆستا عەلی باپیر- ئەمیری کۆمەڵی ئیسلامی کوردستان
‎بەڕێزان: ئەندامانی ئەنجومەنی سیاسی
‎بەناوی خۆم و هەڤاڵانم لە مەکتەبی سیاسی و ئەنجومەنی سەرکردایەتی گەرمترین پیرۆزباییتان ئاراستە دەکەین بەبۆنەی 18 ساڵ تێپەڕبوون بەسەر دامەزراندنی کۆمەڵی ئیسلامی کوردستان.
کۆمەڵی ئیسلامی کوردستان لە 18 ساڵی ڕابردووی تەمەنی خۆیدا، وەک یەکێک لەهێزە سیاسییەکانی کوردستان توانیویەتی لەگۆڕەپانی سیاسیدا خاوەن دید و بۆچوونی جیاوازی خۆی بێت و هاوتەریبی هێزە سیاسییەکانی تر ڕۆڵ و کاریگەری هەبێ لە ڕووداوەکان و بەرە و پێشبردنی پڕۆسەکە.
ئێمە لە #یەکێتیی نیشتمانیی کوردستان#، خوازیارین لەگەڵ سەرجەم هێز و لایەنە سیاسییەکان پەیوەندییەکی قووڵ و پتەومان هەبێ، پەیوەندی توندو تۆڵ و دۆستانەمان لەگەڵ کۆمەڵی ئیسلامی و هێزەکانی تری گۆڕەپانی سیاسی کوردستان پەرە پێ بدەین و هەوڵی جدی بدەین بۆ خزمەتکردنی زیاتری کوردستان و گەیاندنە کاروانی ئارامی پڕۆسەی سیاسی لە ناوچەکەماندا.
جارێکی تر پیرۆزبایی گەرمتان ئاراستە دەکەم و دەخوازم ئەم یادە پیرۆزەتان هەوێنی تەبایی و یەکڕیزی و ئاشتەوایی زیاتری نێوان لایەنە سیاسییەکان بێ و بەیەکگوتاری و یەک هەڵوێستیمان سازو ئامادەبین بۆ پێشهات و ئەگەرە نوێکانی ناوچەکە.
‎کۆسرەت ڕەسوڵ عەلی
‎جێگری سکرتێری گشتی
‎یەکێتیی نیشتمانیی کوردستان
#31-05-2019#

دەقی پرسەنامەکەی #بافڵ تاڵەبانی#:
بەڕێز کاک کۆسرەت ڕەسوڵ، سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان#.
بەداخ و پەژارەیەکی زۆرەوە هەواڵی کۆچی دوایی خاتوو (زوبێدە سەعید ئۆمەر) دایکی بەڕێزتانم پێگەیشت.
لە نزیکەوە خۆم بە هاوخەمتان دەزانم و لەڕێی ئێوەشەوە پرسە و سەرەخۆشی لە کەسوکار و بنەماڵە تێکۆشەرەکەتان دەکەم.
خاتوو زوبێدە، دایکێکی خۆڕاگر و نموونەیی بوو کە لە تەمەنیدا بەهۆی هەڵوێست و ڕۆڵ و بەشداریتان لە شۆڕشی نوێ و خەباتی ڕزگاریخوازی گەلەکەمان، تووشی زەحمەت، ماندوبوون و دەربەدەری زۆر بووە، کە ئەمەش ورەی پۆڵاینی بە ئێوە بەخشی و هیچ ڕۆژێک بنەماڵەکەی سارد نەبووەوە لە پشتیوانیکردنی شۆڕش و خەباتی ڕەوای گەلی کورد.
بۆیە شێرەژنێکی ئاوا گەورە و کۆڵنەدەر کە ژیانئاوایی دەکات خەمێکی قوڵ لای ئێمە و ئێوەش جێدەهێڵێت.
بەم بۆنە خەمناکەوە لە خوای گەورە داواکارین سەبر و ئارامی بە هەموومان بدات، ئەمە دواناخۆشی بێت و جێگای خوالێخۆخشبووی دایکتان بەهەشتی بەرین بێت.
دڵسۆزتان
بافڵ #جەلال تاڵەبانی#
28ی 2ی 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

بەناوی خوای گەورەو میهرەبان
کەسوکاری سەربەرزی شەهیدە نەمرەکان
هاوکاتی هەواڵە خۆشەکانی سەرکەوتنە یەک لەدوای یەکەکانی هێزەکانی پێشمەرگەی کوردستان، بەداخەوە بە بەردەوامی هەواڵی شەهیدبوونی پۆلێک پێشمەرگەی قارەمانمان پێدەگات، کە خوێن و گیانی خۆیان دەکەنە فیدای خاکی پیرۆزی کوردستان.
برای بەڕێزم کاکە محەمەدی حاجی مەحمود/ سکرتێری حزبی سۆشیالیست دیموکراتی کوردستان
روون و ئاشکرایە جەنابتان لەسەرەتای شۆڕشی نوێی گەلەکەمانەوە وەک پێشمەرگەیەکی قارەمان خەباتتان کردووەو تا ئەمڕۆ بەردەوامن لە خەبات کردن و دواجار دوێنێ لە ڕووبەڕووبوونەوەکانی هێزی پێشمەرگەی کوردستان کاکە عەتای سەرکردەی گەنج و ئەندامی سەرکردایەتی حزبی سۆشیالیست دیموکراتی کوردستان و کوڕی جەنابت شەهید بوو، لێرەوە پرسەو سەرەخۆشی و هاوخەمی خۆمتان ئاراستە دەکەم و دەزانم و هەستی پێدەکەم کە ئازاری لەدەستدانی جەرگ و ڕۆڵە چەندە ناخۆشە، بۆیە هەموو کات و لەگەڵ بیستی هەواڵی شەهید بوونی هەر پێشمەرگەیەک ئاخ هەڵدەکێشم و دەڵێم یاخوا کەس ئازاری لەدەستدانی ڕۆڵە نەبینێ، بەڵام دڵنیام جەنابتان و هەموو دایک و باوکە شەهیدێکی کورد دەزانن کە خوێنی ڕۆڵەکەیان بەفیڕۆ نەچووەو شەهیدی پاراستنی خاک و نیشتمانن.
لە کۆتاییدا دووبارە پرسەو سەرەخۆشی و هاوخەمی خۆم ئاراستەی بنەماڵەی سەرجەم شەهیدانی کوردستان دەکەم و ئومێد دەکەم خوێنی ئەو پۆلە شەهیدانەی کوردستان دوا هەنگاوەکانمان بێ بۆ گەیشتن بە سەربەخۆیی و ئاشتی و ئارامی لە کوردستان.
کۆسرەت ڕەسوڵ عەلی
جێگری سەرۆکی هەرێمی کوردستان

دەقی پرسەنامەکەی کۆسرەت ڕەسوڵ عەلی:
کۆسرەت ڕەسوڵ پرسەنامەیەک ئاراستەی حاجی خالید سلێمان دەکات
برای بەڕێزم: کاک حاجی خالید سلێمان
بەداخێکی زۆرەوە هەواڵی کۆچی دوایی و جوانەمەرگ بوونی کاکە (ئاکام)ی کوڕتانم بیست، دڵگران و خەمباری کردم، هاوبەشی خەمتانم.
جەرگ سووتان و لەدەستدانی منداڵ ئازارێکی ناخهەژێنە و تەنها ئەوانە تێی دەگەن کە جەرگیان سووتاوە، خوای گەورە پشتیوانت بێت لە تێپەڕاندنی ئەم دۆخە، بۆ ئەم کۆستە گەورەیە و جوانەمەرگ بوونی کاکە ئاکامی کوڕت، پرسەو سەرەخۆشی و هاوخەمی خۆمتان ئاڕاستە دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.
کۆسرەت ڕەسوڵ عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی #کۆسرەت ڕەسوڵ عەلی#:
برای بەڕێزم: حەمەی حەمە سەعید- ئەندامی سەرکردایەتی و وەزیری ڕۆشنبیری و لاوان
بەداخێکی زۆرەوە هەواڵی کۆچی دوایی خاتوو (غەریبە عەزیز بارام) دایکی بەڕێزتانم بیست، دڵگران و خەمباری کردم.
خاتوو غەریبە یەکێک لە ژنە تێکۆشەرو بەهەڵوێستەکان بوو، لەژیانی خۆیدا ڕۆڵەکانی بەرۆحی کوردپەروەری جۆشداو پەروەردەی کردن لەپێناو کوردستان خەبات بکەن، بە لەدەستدان و کۆچی دوایی دڵتەنگ و خەمبار بووم، پرسەو سەرەخۆشی و هاوخەمی خۆم ئاراستەی جەنابت و خانەوادە تێکۆشەرو قارەمانەکەتان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.
کۆسرەت ڕەسول عەلی
سەرۆکی ئەنجومەنی باڵای سیاسی و بەرژەوەندی
#یەکێتیی نیشتمانیی کوردستان#[1]

پرسەنامەی #کۆسرەت ڕەسوڵ عەلی# سەرۆکی ئەنجومەنی باڵای سیاسی و بەرژەوەندی بۆ کۆچی دوایی #عومەر نۆغەرانی#.

=KTML_Bold=دەقی پرسەنامەکە:=KTML_End=
بەڕێزان: خانەوادە و کەسوکاری مام عومەر نۆغەرانی
بەداخێکی زۆرەوە هەواڵی کۆچی دوایی برا و هاوڕێم، ڕێکخستنی ناو شار و تێکۆشەری دێرین و کەسایەتی دیارو ناسراوی کوردستان (عومەر نۆغەرانی) م بیست، دڵگران و خەمباری کردم، هاوبەشی خەمتانم.
عومەر نۆغەرانی پیاوێکی تێکۆشەر و سەرڕاست بوو، هاوڕێی زیاتر لە نیو سەدە خەبات و تێکۆشانی ڕێکخستنە نهێنییەکان و قوربانیدان لەپێناو گەلەکەی بووە، کەسایەتی دیار و ناسراو بوو، هەمیشە لە کێشە کۆمەڵایەتییەکانی سنوورەکە ڕۆڵی بەرچاوی هەبوو، پیاوێکی جوامێر و چاونەترس بوو، بەداخەوە بۆ لەدەستدانی ئەم برا و هاوڕێیە تێکۆشەرەم.
بۆ ئەم کۆستە پرسە و سەرەخۆشی ئاراستەی خۆمان و خانەوادەی کۆچکردوو، هاوڕێ و هەڤاڵانم دەکەم، داواکارم لە خوای گەورە سەبووری هەموومان بدات و کۆچکردوو جێگای بەهەشتی بەرین بێت. [1]
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

دەقی پیرۆزباییەکەی کۆسرەت ڕەسوڵ عەلی:
بەڕێزان: سەرنووسەرو ستافی ڕۆژنامەی کوردستانی نوێ
سی و یەکەمین ساڵەی دامەزراندنی ڕۆژنامەی کوردستانی نوێ، یەکەمین ڕۆژنامەی ڕۆژانەی دوای ڕاپەڕین لە ئێوەو تەواوی ستافی ماندوونەناسی ڕۆژنامەکەتان پیرۆز دەکەم و هیوای سەرکەوتن و پێشکەوتنتان بۆ دەخوازم.
کوردستانی نوێ جوانترین و بەهادارترین دیاری یەکێتیی نیشتمانیی کوردستان بوو بۆ ڕۆژنامەنووسان و ڕۆشنبیرانی کورد، کە ئەوێ ڕۆژێ یەکەم ژمارەی لە #هەولێر# چاپ و بڵاوکرایەوە، لەوساوە بۆ ئەمڕۆ بەردەوامەو یەکێکە لە ڕۆژنامە سەنگینەکانی نێو دنیای ڕۆژنامەگەری کوردی.
ئەم یادە پیرۆزەتان بە دەرفەت دەزانم وێڕای دەستخۆشی و پیرۆزبایی دووبارەم، جەخت لەوە بکەمەوە کە ئەمساڵ بکەنە ساڵی نوێکردنەوەی ڕۆژنامەکەمان و بایەخی زیاتر بە کێشەکانی خەڵک بدەن و لەگەڵ پێشکەوتنەکانی بواری میدیا یەکبگرنەوەو وەک بەشێکیش لە ڕاگەیاندنی یەکێتیی بەردەوام بن لەکارکردنتان بەوپەڕی پیشەییانە و ئامانجی سەرەکیتان خزمەتکردن بێت بە ڕاستگۆیی.
کۆسرەت ڕەسول عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان[1]

بەناوی خوای گەورەو میهرەبان
بەڕێزان: سکرتاریەت و ئەندامانی یەکێتی مامۆستایانی کوردستان
"54"ەمین ساڵەی دامەزراندنی یەکێتی مامۆستایانی کوردستان لە یەکەبەیەکتان پیرۆز دەکەم و ئاواتەخوازم وەک هەمیشە پێشەنگ بن و هەڵگری پەیامی پەروەردەو پێگەیاندنی نەوەیەکی تەندروست بن.
مامۆستایانی خۆشەویست:
53 ساڵی ڕابردووی خەباتتان ئەوەمان پێدەڵێ کە ئێوە هاوکاتی پەروەردەکردنی نەوەکانمان هەمیشە داینەمۆی خەبات و جۆشدانی ڕۆحی کوردایەتی بوونە لە سەردەمی شاخ و لەدوای ڕاپەڕینیش بەبێ گوێدان بەهیچ بەرژەوەندییەکی کەسی خۆتان و دابینکردنی بژێوی ماڵ و منداڵتان بەردەوام بوون لە کارە پیرۆزەکەتان و نەتانهێشت نەوەی دوای ڕاپەڕینی کورد نەخوێندەوار بێ.
ئەمڕۆش کە کوردستانمان بە قۆناغێکی هەستیاردا تێپەڕدەبێ و قەیرانی دارایی ڕووی تێکردووین لەپاڵ دواکەوتنی مووچە، کەچی مامۆستایان نەیانهێشتووە یەک ڕۆژ خوێندن لە کوردستان دوابکەوێ و شەمەندەفەری پەروەردەو فێرکردن نەوەستاوەو بەردەوامە، بۆیە لەسەر هەموومان پێویستە بە باشترین شێوە خزمەتی مامۆستایان بکەین و قەرەبووی ئەو هەموو ساڵە لە خەبات و قوربانیدان و خۆڕاگریەیان بۆ بکەینەوە.
لە کۆتاییدا وێڕای دووبارە پیرۆزباییم لە مامۆستایانی هەڵگری مەشخەڵی زانست، بە پێویستی دەزانم سەری ڕێز و نەوازش بۆ مامۆستایانی شەهید و سەرجەم شەهیدانی کوردستان دابنوێنم وپێیان بڵێم "ئارام بنون کاروانی پەروەردەکردن و پێگەیاندنی نەوەی وشیار بەردەوامەو هەموومان بەرهەمی ئەم کاروانە نەپساوەین."
کۆسرەت ڕەسوڵ عەلی
جێگری سەرۆکی هەرێمی کوردستان
14-05-2015

هاتنەوەی سەری ساڵی تازەی زایینی لە هەموو کوردستانیان پیرۆز دەکەم، پیرۆزبایی تایبەتی خۆشم ئاڕاستەی کەسوکاری سەربەرزی شەهیدان و پێشمەرگە قارەمانەکان دەکەم، ئومێد دەکەم ساڵی تازە ساڵی خۆشی و شادی و کامەرانی بێ بۆ گەلەکەمان، ئەم ساڵە ببێتە وێستگەیەکی تازە بۆ زاڵ بوون بەسەر ئاستەنگەکان و تێپەڕاندنی ئەم دۆخەی ئێستا درووست بووە.
لە کلتووری دەوڵەمەندی گەلەکەماندا، هەمیشە بۆنە و یادەکان هەوێنی ئاشتەوایی و پەرەدان بە گیانی لێبووردەیی بووە، هیوادارم هاتنەوەی سەری ساڵی تازە ببێنە هەوێنی ئاشتی، تەبایی و یەکڕیزی نێو ماڵی کورد، سەرجەم هێز و لایەنە سیاسییەکان ململانێکانیان وەلابنێن و خەبات بکەن لەپێناو یەکڕیزی و یەک وتاری کورد و هەوڵ بدەن لەپێناو گەیشتن بە ئاوات و ئامانجە گەورەکانی گەلەکەمان، ئەو ئاوات و ئامانجانەی ساڵەهایە قوربانی بۆ دەدەین و ڕووبارێک خوێن و هەزاران شەهیدمان لەپێناوی داوە، دەبێت بەرانبەر ئەو خەبات و قوربانیدانە بەرپرسانە مامەڵە بکەین و ناکرێت دەستکەوتەکانمان بکرێتە قوربانی بەرژەوەندییەکان.
دووبارە هاتنەوەی سەری ساڵی تازەی زایینی کوردستانیان پیرۆز دەکەم، بەهیوای ساڵێکی پڕ خۆشی و شادی. [1]
#کۆسرەت ڕەسوڵ عەلی#
سەرۆکی ئەنجومەنی باڵای سیاسی و بەرژەوەندی
#یەکێتیی نیشتمانیی کوردستان#