سەرۆکی فراکسیۆنی #نەوەی نوێ# لە پەڕڵەمانی ئێراق ڕایدەگەیەنێت، هەموو شتەکان لە ژورەکانی دەرەوەی پەڕڵەمانی ئێراق ئەنجام دەدرێن، لەگەڵ دورخستنەوەی ئەو دەنگانەی کە گفتوگۆ دەکەن.
#سروە عەبدولواحید#، سەرۆکی فراکسیۆنی نەوەی نوێ لە پەڕڵەمانی ئێراق لە توێتێکدا ڕایگەیاند، پەڕڵەمانی ئێراق لە قوتابخانەی سەرەتایی دەچێت بەتایبەت لەدوای کشانەوەی فراکسیۆنی سەدرییەکان.
دەشڵێت هەموو شتەکان لە ژوورەکانی دەرەوەی پەڕڵەمان ئەنجام دەدرێن، لەگەڵ دورخستنەوەی ئەو دەنگانەی کە گفتوگۆ دەکەن، لەبەرئەوەی زیان بە تەندرووستی هەندێک دەگەیەنێت.
بەوتەی سەرۆکی فراکسیۆنی نەوەی نوێ، پەڕڵەمان کۆمەڵێک پەڕڵەمانتاری هاوشێوەی خوێندکاری سەرەتایی دەوێت کە تەنیا بۆ (بەڵێ) دەستیان بەرزبکەنەوە، بۆیە کۆمەڵێک بابەت هەن لە دانیشتنەکانی داهاتوودا قسەیان لەبارەوە دەکەین بۆ ئەوەی جوڵە بخەینە نێو پەڕڵەمان. [1]