سەرۆکی #یەکێتیی نیشتمانیی کوردستان# بە بۆنەی ساڵیادی ڕاگەیاندنی #یەکگرتووی ئیسلامیی کوردستان#ەوە پەیامێک ئاڕاستەی ئەمیندار و ئەندامانی ئەنجوومەنی جێبەجێکردنی حزبەکە دەکات. لە پایامەکەی سەرۆک #بافڵ تاڵەبانی# بۆ یەکگرتووی ئیسلامی هاتووە، هیوادارم ئەم یادە دەرفەتێک بێت بۆ قووڵکردنەوەی گیانی تەبایی و هەماهەنگی زیاتر لەپێناو سەقامگیریی هەرێمەکەمان و خزمەتکردنی زیاتری خەڵکە خۆشەویستەکەمان. لە بەشێکی تری پەیامەکەیدا هاتووە، ئەرکی هەموولایەکمانە بە ڕۆحێکی کوردانە و دوور لە جیاوازییەکانمان خەبات بۆ مافەکانی کورد بکەین و پێکەوە کوردستان بەرەو ئاوەدانی و خۆشگوزەرانی زیاتر ئاڕاستە بکەین.‎ سەرۆکی یەکێتیی نیشتمانی هەر لە پەیامەکەیدا دەڵێت: بە بۆنەی ساڵیادی ڕاگەیاندنی یەکگرتووی ئیسلامی کوردستانەوە پیرۆزباییەکی گەرم ئاڕاستەی ئێوە، ئەندام و لایەنگرانتان دەکەم. [1]

دەقی پرسەنامەکەی سەڵاحەدین بەهادین:
مَنْ عَلَيْهَا فَانٍ, ۆيَبْقَی ۆجْهُ ڕَبِّکَ ذُو الْجَلالِ ۆالإِکْرَامِ
بەڕێز/ کاک #سەعدی ئەحمەد پیرە#
السلام علیکم و ڕحمە اللە و برکاتە
بۆ کۆچی دوایی دایکی بەڕێزتان (خاتوو مامز عبداللە)...
پرسە و سەرەخۆشی خۆمان ئاراستە دەکەین و داواکارین لە خوای بەخشندە لێی خۆشبێت و بە بەهەشتی شاد بکات و ئارامیش بە ئێوە و بنەماڵە بەڕێزەکەتان ببەخشێت، ئاخری غەم بێت.
انا للە و انا الیە ڕاجعون
براتان
صلاح الدین محمد بهاءالدین
ئەمینداری گشتی یەکگرتووی ئیسلامی کوردستان
28/7/2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی سەڵاحەدین بەهادین:
بەڕێز/ جەنابی کاک کۆسرەت ڕسول
سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان#
سڵاوی خوداتان لەسەربێت...
بەبۆنەی کۆچی دوایی دایکی بەڕێزتانەوە...
پرسە و سەرەخۆشی و هاوغەمی خۆمان ئاراستەی جەنابتان و بنەماڵەی بەڕێزتان دەکەم، لە خوای میهرەبان داواکارم خوالێخۆشبوو بەر ڕەحمەتی خۆی بخات و بەهەشت جێگای بێت...
کۆتایی غەمتان بێ...
إنّا لله وإنّا إليهِ ڕَاجعُون
براتان
صلاح الدین محمد بهاءالدین
ئەمینداری گشتی #یەکگرتووی ئیسلامیی کوردستان#
1/3/2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

ساڵی 1950 لە شارۆچکەی #تەوێڵە#ی ناوچەی #هەورامان# لە دایکبووە
لەساڵانی شەستەکاندا پەیوەندی کردووە بەکۆمەڵەی ئیخوان موسلمینەوە
ساڵی 1969 خانەی مامۆستایانی تەواو کردووە
بۆ ماوەی زیاتر لە 10 ساڵ مامۆستا بووە
ساڵی 1982 چۆتە ئێران و دواتر لە تورکیا و وڵاتانی کەنداو ماوەتەوە
لە 6-2-1994دا یەکگرتووی ئیسلامی ڕاگەیاند
لەکۆنگرەی یەکەمی حزبەکەیەوە تا کۆنگرەی پێنجەم ئەمینداری گشتی بووە
لەکۆنگرەی شەشەمدا خۆی کاندید نەکردەوە
ساڵی 2003 یەکێک بوو لەپێنج ئەندامە کوردەکەی ئەنجومەنی حوکمی عیراق
لەڕووی فیکرییەوە بە ئیسلامییەکی میانڕەو ناسراوە
لەڕووی سیاسییەوە لەچەند قۆناغێکی جیاوازدا هەڵوێستی یەکلاکەرەوەو ڕاشکاوی هەبووە
ساڵی 2015 کۆڕبەندی جیهانی میانڕەوی لە #هەرێمی کوردستان#دا دامەزراند
بۆ چارەسەرکردنی دۆخی هەرێم هەوڵی لێکنزیککردنەوەی لایەنەکانی داوە
لەکۆنگرەی حەوتەمدا جارێکی تر هەڵبژێردرایەوە بۆ ئەمینداری گشتی #یەکگرتووی ئیسلامی کوردستان#

بەڕێز جەنابی ڕەجەب تەیب #ئەردۆگان# سەرۆک کۆماری تورکیا
السلام علیکم ورحمە الله وبرکاتە
بەبۆنەی سەرکەوتنی بەرچاوتان لە خوولی نوێی سەرۆکایەتیی کۆماردا، بەناوی خۆم و سەرکردایەتی #یەکگرتووی ئیسلامیی کوردستان#ەوە جوانترین و گەرمترین پیرۆزبایی لە بەڕێزتان و وڵاتی تورکیا دەکەم بە گەل و سەرکردایەتییەوە. دیارە سەرکەوتنی ئەم کاروانەی ئێوە لە کاتێکدایە کە وڵاتەکەتان و ئوممەت ڕووبەڕووی تەحەدییاتی گەورە دەبنەوە، دەستنیشانکردنی ئێوە بۆ سەرکردایەتیکردنی ئەم کاروانە لە ئیرادەی گەلانی تورکیا بەرجەستە دەبێ‌ بە هەموو ڕەنگ و شەبەنگەکانییەوە..
ئەم سەرکەوتنە لە ئێوە و گەلانی تورکیا پیرۆز بێت.
هیوای سەرکەوتن و تەوفیق و بەرەوپێشچوونتان بۆ دەخوازین بۆ بەرەنگاربوونەوەی هەموو تەحەدیاتەکان و سەرکردایەتیکردنی کاروان بۆ ڕابوون و هەستانەوە، خوازیارین ئەم سەرکەوتنە وەرچەخانێک بێ‌ بەره و سەقامگیری و کرانەوەی دیموکراسی، هەروەها فاکتەرێکی کاریگەر بێ‌ بۆ بەهێزترکردنی پەیوەندیی نێوان گەلانی ناوچەکە لەسەر بنچینەی بەرژەوەندیی هاوبەش و دراوسێیەتی باش و خزمەتی دۆزە ڕەواکەی.
خوای گەورە سەرکەوتووتان بکات و بتانپارێزیێ‌
براتان
صلاح الدین محمد بها‌ءالدین
ئەمینداری گشتیی یەکگرتووی ئیسلامیی کوردستان
#25-06-2018#

[1]

#سەڵاحەدین بەهادین# لە لاپەڕەی فەرمی خۆی لە تۆڕی کۆمەڵایەتی فەیسبووک بڵاوی کردەوە کە لەگەڵ عەلی ڕەزای گونەی باڵیۆزی تورکیا لە ئێراق کۆبووەتەوە و باسی لە بابەتی ئاو و وزە و ئەمن و ئاساییشی ناوچەکە کرد.
ئەمینداری گشتی یەکگرتوو چەند ڕۆژێکە لە شاری #بەغدا#یە و لەمیانەی سەردانەکەشیدا بۆ شاری بەغدا سەردانی باڵیۆزی تورکیای کردووە و بۆ ماوەی کاتژمێرێک لەگەڵیدا کۆبووەتەوە.
وەک لە بڵاوکراوەکەی ئەمینداری گشتی یەکگرتوودا هاتووە کە لە کۆبوونەوەکەیان باسیان لە دواین گۆرانکارییەکانی هەرێم و ئێراق و ناوچەکە کردووە، بەتایبەت پرسی ئاو و وزە و ئەمن و ئاساییشی ناوچەکە.
سەڵاحەددین بەهادین نووسیویەتی ”لە بەشێکی تری دیدارەکەدا ئاماژەیان بەو دەستدرێژی و هێرش و داگیرکارییانەی زایۆنی و کوشتنی ژن و منداڵ”.
سەڵاحەدین بەهادین دەڵێت ”تەئکیدمان لەوە کردەوە کە دەبێت هەموولایەک هەوڵەکانی خۆیان چڕبکەنەوە بۆ ڕاگرتنی ئەو هێرش و بۆردوومانانە و گەیشتن بە چارەسەرێکی خێرا و گەڕانەوەی ئاشتی و سەقامگیری و ئارامی بۆ ناوچەکە”. [1]

#سەڵاحەدین بەهادین# ئەمینداری #یەکگرتووی ئیسلامیی کوردستان#، لە لاپەڕەی خۆی لە تۆڕی کۆمەڵایەتی فەیسبووک نووسیویەتی: ئەمڕۆ #23-02-2023# پێشوازیم کرد لە (ماکسیم ڕوبین) کونسوڵی گشتی ڕووسیا لە هەرێمی کوردستان.
بەپێی وتەی ئەمینداری یەکگرتوو، بە کونسوڵی ڕووسیای گووتووە کە چاویان لەوەیە ڕووسیا ڕۆڵی ئیجابی خۆی ببینێ‌ بۆ ئەنجامدانی هەڵبژاردن لە هەرێمی کوردستان. [1]

#قوباد تاڵەبانی# جێگری سەرۆکی حکومەتی هەرێمی کوردستان پەنای بۆ #سەڵاحەدین بەهادین# ئەمینداری# یەکگرتووی ئیسلامیی کوردستان# بردووە.
ئەو کۆبوونەوەیەی قوباد تاڵەبانی لەگەڵ سەڵاحەدین بەهادین لە ناوەڕاستی ئەم هەفتە ئەنجامیداوە، بۆ ئەوە بووە ناوبراو نێوەندگیری لەنێوان #پارتی دیموکراتی کوردستان# و #یەکێتیی نیشتمانیی کوردستان# بکات.
لە دوای کۆبوونەوەکەی قوباد تاڵەبانی، کە لەسەر پشکی یەکێتی جێگری سەرۆکی حکومەتە، سەڵاحەدین بەهادین دەستی بە هەوڵەکانی کردووە، بۆ ئەوەی نێوەنگیری لەنێوان پارتی و یەکێتی بکات.
لە میانی هەوڵەکانی سەڵاحەدین بەهادین پەیامی هەردوولای بە یەکتری گەیاندووە و هەوڵەکانیش بەردەوامن بۆ ئەوەی کێشەکان بەرەو چارەسەرببرێن. [1]

بەڕێز جەنابی مامۆستا صەڵاحەدین بەهائەدین
ئەمینداری گشتی یەکگرتووی ئیسلامی کوردستان
پیرۆزباییەکی گەرم لە بەڕێزتان و لە ڕێی ئێوەش لە سەرکەوتووانی کۆنگرەی هەشت و خوشک و برایانی یەکگرتووی ئیسلامی کوردستان دەکەم، لەنزیکەوە ئاگادار بووم کە خوالێخۆشبوو جەنابی #مام جەلال# ئێوەی بە دۆست زانیوە، و لەسەر هەمان ڕێباز، ئێمەش دەمانەوێت لە وەڵامی پەیامە بەنرخەکەتان بۆ پتەوکردنی پەیوەندی دوو قۆڵیی نێوانمان، هەنگاوەکان دەستپێبکەین.
سەرکەوتوو و سەرفراز بن.
#لاهور شێخ جەنگی#
#29-12-2019#
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!