کورد دلۍ چەرخەکا تاریخینە
بەشۍ: ششەمە
نویستەی: #هاوڕێ باخەوان#
ساڵەکانو (9000 -- 7000) وەڵۍ زاینی
شۊنەوارئەشناسە ئەمریکی و ئەڵمانی تورکەکۍ، ناوچەو ئەرخەنی جە دیاربەکر _ ئامەد یانێوەشا چېرو زەمینینە ئېستۆ کە تاریخش مەگېڵۊوە پەی ساڵەو (9000) وەڵۍ زایینی.ئانەیچە نیشانەما مڎۊن کە چا چەرخەنە ژیوای نیشتەجایی دلۍ سەرزەمینو کوردەسانینە بېیەن.
هەر ئەچا ساڵانە چن کەرەسێ تەۋەنبیۍ ئیزیێنێ کە پەی وەشکەردەی واردەمەنیەکا بەکارشان ئاردېنۍ.
چەنەکۊڵەرە شۊنەوارییەکۍ پەیشان بەرکۆتەن جە ساڵەو (7000) وەڵۍ زایینی ژمارەو دەگا نیشتەجایەکا فرۍ بیېنۍ، یانی ئاسەوارو چن یاگە دەگێوەشا ئېستەنۆ کە ئانەی نیشانە مڎۊن چا ساڵانە خەڵک دلۍ دەگایەکانە نیشتەجا بېیەن و ژمارەو دەگایەکاچ فرۍ بیېنۍ.[1]