دەقی پرسەنامەکەی #قوباد تاڵەبانی#:
بەڕێزان خێزان و خانەوادەی کۆچکردوو
جەمال تاهیر ساڵحی
بەداخ و پەژارەیەکی زۆرەوە هەواڵی کۆچی دوایی مامۆستا (جەمال تاهیر ساڵحی)م بیست.
کۆچکردوو کەسایەتیەکی نیشتمانپەروەر و هاوڕێی دێرینی سەرۆک #مام جەلال# بوو، کۆچکردنیشی جێگای داخێکی گەورەیە.
بەم بۆنە غەمناکەوە پرسەو سەرەخۆشی لەخێزان و بنەماڵە تێکۆشەرەکەتان دەکەم و هاوبەشی خەم و پەژارەتانم.
خوای گەورە لە کۆچکردوو خۆش بێت و جێگای بەهەشت بێت، سەبوری و دڵنەواییش بەهەموو لایەک ببەخشێت.
انا لله و انا الیه ڕاجعون
قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پیرۆزباییەکەی #سۆران# جەمال تاهیر:
برای بەڕێزم کاک کاروان ئەنوەر..
بەڕێزان بەڕێوەبەری نووسین و ڕۆژنامەنووس و ستافی سایتی PUKmedia
بە بۆنەی 18 هەمین ساڵ یادی دامەزراندنی ماڵپەڕی PUKmedia و داگیرساندنی 19 هەمین مۆمی کارکردنتان، گەرمترین پیرۆزباییتان ئاڕاستە دەکەم.
ئومێد دەکەم PUKmedia وەک ماڵپەڕی فەرمیی ی.ن.ک هەمیشە ڕاستگۆیی و بەرپرسیارێتی بنەمای سەرەکی کارکردنتان بێت، لەپێناو گەیاندنی ڕاستی و زانیاری دروست و گەشەپێدانی بواری ڕۆژنامەوانی کوردی.
هیوادارم ڕۆڵ و پێگەی خۆی بپارێزێت، لەپێناو قوڵکردنەوەی بنەماکانی ئاشتی و دیموکراسی و تەبایی و یەکڕیزی گەلەکەمان.
جارێکی تر پیرۆزبێت ساڵیادی دامەزراندنی ماڵپەڕەکەتان.
سەرفراز وسەرکەوتووبن...
د. سۆران جەمال تاهیر
ئەندامی م.س و لێپرسراوی مەکتەبی پەیوەندییەکانی ی.ن.ک[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پیرۆزباییەکەی #سۆران# جەمال تاهیر:
بەڕێزان/ سەرنووسەرو دەستەی بەڕێوەبردن و نوسەران و هاوکارانی سایتی
PUKMEDIA
زۆر بەگەرمی پیرۆزباییتان لێدەکەم لە ساڵیادی دامەزراندنی بیست ساڵەی PUKMEDIA، کە سایتێکی هەواڵ و چالاکی و هەڵوێستی فەرمی یەکێتیی نیشتمانیی کوردستان پەخش دەکات، وە ئێستاش جگە لە زمانی کوردی بە هەردوو زمانی عەرەبی و ئینگلیزی گەشەتان بەم بوارە داوە.
هیوادارم لەسەر پڕەنسیپەکانی ڕۆژنامەنووسی و ئازادی ڕادەربڕین و هاوسەنگی لە هەواڵ بەردەوام بن، هەموو هەواڵێک لەسەرچاوەی خۆی پاش وردبینی بڵابکرێتەوە، وە داکۆکیکاری ماف و داخوازی هاوڵاتیان بن.
هەر سەرکەوتووبن..
د.سۆران جەمال تاهیر
ئەندامی مەکتەبی سیاسی و وتەبێژی
یەکێتیی نیشتمانیی کوردستان[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پیرۆزباییەکەی سۆران جەمال تاهیر، ئەندامی مەکتەبی سیاسی #یەکێتیی نیشتمانیی کوردستان#:
بەڕێزان سەرنوسەر و دەستەی نوسەران و کارمەندانی ڕۆژنامەی کوردستانی نوێ
بەبۆنەی ساڵیادی دەرچوونی یەکەم ژمارەی ڕۆژنامەی ڕۆژانەی کوردی (کوردستانی نوێ)، بەناوی خۆم و هەڤاڵانی مەکتەبی پەیوەندییەکانی ی.ن.ک جوانترین و گەرمترین پیرۆزباییتان ئاڕاستە دەکەم، هیوادارم ساڵی نوێ کارکردنتان بەرهەمدارتربێت.
کوردستانی نوێ وەک یەکەم ڕۆژنامەی خوێنراو لە دوای ڕاپەڕین ڕۆڵێکی گرنگ و بەرچاوی لە هۆشیار کردنەوەی تاکی کورد بینی، و توانی بەڕەچاوکردنی پرەنسیب و بنەماکانی کاری ڕۆژنامەگەری هەواڵ و پێشهاتەکانی بەشێوەیەکی پڕۆفیشناڵ بخاتە بەردیدی خوێنەران، ئەمە جگە لەوەی بۆتە قوتابخانەیەک بۆ پێگەیاندنی دەیان کادیری سیاسی و ڕاگەیاندنکار.
ئومێدەوارم لەم یادە پیرۆزەدا بەردەوامبن لە گەیاندنی ڕای شەقام و داخوازیی ڕەوای گەلی کوردستان و خستنەڕووی ڕاستیەکان، لەپێناو بونیادنانی کومەڵگایەکی هۆشیار و ئازاد و دیموکرات.
شاد و سەرکەوتوو بن..
د. سۆران جەمال تاهیر
ئەندامی مەکتەبی سیاسی و لێپرسراوی مەکتەب پەیوەندییەکانی
یەکێتیی نیشتمانیی کوردستان[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پەیامەکەی سۆران جەمال تاهیر:
بەڕێزان/ سکرتاریەت و ستافی نوسین و هاوکارانی ڕۆژنامەی کوردستانی نوێ
پیرۆزبایی ساڵیادی دەرچوونی ڕۆژنامە دێرینەکەی کوردستانتان لێدەکەم
جێی شانایە کە دوایی ڕاپەڕین کوردو #یەکێتیی نیشتمانیی کوردستان# خاوەنی یەکەم ڕۆژنامەیە پاش هەڵمژینی هەوای ئازادی لە کوردستان و کۆتایی هێنان بەسەردەمی حزبی بەعسی فاشی.
هەواڵ و ڕاپۆرت و لێکۆڵینەوەی زانستی و گرنگیدان بە گشت چین و توێژەکان و بوارەکان، هاوسەنگی نێوان شارەکانی هەرێمی کوردستان و گرنگیدان بە هەواڵی شارەکانی تری عیراق جێی دەست خۆشییەو پێویستە بەردەوام بین لەسەری.
جارێکی تر پیرۆزە ئەم یادەو ئێمەش هاوکارو پشتیوانتانین.
د.سۆران جەمال تاهیر
ئەندامی مەکتەبی سیاسی و وتەبێژی ی.ن.ک[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

شەهیدی سەرکردە، ساڵی 1943 لە گەڕەکی #دەرگەزێن#-ی شاری #سلێمانی# لەدایکبووە، هەر لەوێش قۆناغەکانی خوێندنی سەرەتاییو ناوەندی تەواوکردووەو پاشان لەخانەی مامۆستایان وەرگیرا و ساڵی 1964 بووە مامۆستا.
شەهید هەر لە تەمەنی لاوێتییەوە تێکەڵاوی چالاکییە سیاسییەکان بووەو لە یەکێتیی قوتابیانی کوردستانو لەناو ڕیزەکانی #پارتی دیموکراتی کوردستان#دا وەک تێکۆشەرێکی ڕۆشنبیر و لەخۆبردوو ناوی دەرکردووە.
سەرەتای حەفتاکان بۆتە ئەندامی لیژنەی ناوچەی سلێمانی و دواتریش لێپرسراوێتی ناوچەی #دەربەندیخان#ی پێ سپێردراوە.
ئەم لاوە پێشکەوتنخوازەی ڕێبازی کوردایەتی ساڵی 1969 پەیوەندیکردووە بە ئەڵقە سەرەتاییەکانی کۆمەڵەوە.
ساڵی 1975 ڕۆڵێکی دیارو بەرچاوی بینی لە پێشخستنی ڕێکخراوەکانی کۆمەڵەو جۆشدانی شۆڕشی نوێی خەڵکی کوردستاندا.
شەهید، وەک سەرکردەیەکی کارامەو تێکۆشەرێکی خاوەن ئەزموون ماوەی چەند ساڵێک ئەرکی بەڕێوەبردنی ڕێکخستنە نهێنییەکانی کۆمەڵەی لەناو شاری سلێمانیدا گرتە ئەستۆو شان بەشانی ئەمەش سەرپەرشتی مەفرەزەکانی ناو شاری ئەکرد.
شەهید چەند جارێک کەوتۆتە بەر شاڵاوی گرتنو لە زیندانەکانی ڕژێمدا، سەرەڕای ئازارو ئەشکەنجەدانێکی زۆر، بەوپەڕی ئازایەتییەوە نهێنییەکانی ڕێکخستنی پاراستووە، دواتریش کە ئازادکرا ڕوویکردە شاخو لە دووەمین کۆنفرانسی کۆمەڵەدا بە ئەندامی سەرکردایەتی هەڵبژێردراو لێپرسراوێتی دەزگای ناوەندی ڕێکخستنی پێسپێردرا، ئەم سەرکردە ماندوونەناسەی #یەکێتیی نیشتمانیی کوردستان# ڕۆژی 14ی تەمموزی ساڵی 1983 لە ناوچەی #بالیسان# بە ڕووداوی ئوتومبێل گیانی لەدەستدا و گەیشتە کاروانی نەمران.

کاندیدی یەکێتی بۆ پەڕڵەمانی کوردستان لە 2013دا
د. سۆران جەمال تاهیر
ئەندامی مەکتەبی سیاسی - وتەبێژی فەرمیی ی.ن.ک [1]

شوێن: قاسمەڕەش
رۆژ یان ساڵی گیرانی وێنەکە: 1983ی زایینی
کەسایەتییەکانی ناو وێنەکە: لەڕاستەوە: پێشمەرگەیەکی حزبی دیموکراتی کوردستانی ئێران(ئیبراهیم)، شەهید دڵارام، دلێری سەید مەجید، سالار، بەختیار، یاسینەڕەش، ئەکرەم محەمەد ئەمین، عومەر ئاوکورتێ، حاکم ئیبراهیم، فەرەیدون عەبدولقادر، ئەوەی لە پێشەوە شانی داداوە: شەهید مامۆستا #جەمال تاهیر#ە.[1]
وەرگیراوە لە: بۆردی ئەرشیف و مێژوو

مامۆستا جەمال تاهیر؛ قارەمانی شۆڕش و زیندان
ئامادەکردنی: محەمەد شێخ عەبدولکەریم سۆڵەیی
2004 [1]

[1]