بەناوی خودای بەخشندە و میهرەبان
خوشک و برایانی خۆشەویست
بەبۆنەی ساڵی نوێی زایینی پیرۆزبایی لە گەلی کوردستان و هەموو جیهانیان دەکەم. هیوادارم ساڵی 2016 ببێتە ساڵی نەمانی شەڕ و تیرۆر و بەدیهاتنی ئاشتی و خۆشگوزەرانی لە کوردستان و هەموو شوێنێکی جیهاندا.
لە ساڵی 2015ـدا پێشمەرگە بۆ پاراستنی گەلی کوردستان بەهەموو پێکهاتە نەتەوەیی و ئاینییەکانییەوە قوربانی و خوێنێکی زۆریدا و، لەپێناو پاراستنی بەها مرۆڤایەتییەکان و ژیانی مەدەنی لە جیهاندا لەبەرامبەر گەورەترین هەڕەشەی سەردەمەدا فیداکارییەکی کەموێنەی نواند. هەروەها ساڵی شکستدان و وەستاندنی داعش و ساڵی سەرکەوتنە مەزنەکانیش بوو، لە هەمانکاتدا ساڵێکی پڕ لە قوربانیدان و سەختیی گوزەران بوو بۆ گەلی کوردستان. بەهۆی بەردەوامبوونی بڕینی بودجەی هەرێمی کوردستان لەلایەن حکومەتی عێراق و دابەزینی نرخی نەوت و زۆریی خەرجییەکانی شەڕی بەرەنگاربوونەوەی تیرۆر و میوانداریی ملیۆنێک و هەشت سەد هەزار ئاوارە و پەنابەر، ئەمانە هەموویان گوزەرانی خەڵکی کوردستانیان زۆر سەختکردووە.
بەڵام کوردستان خاوەن گەلێکی بەهێز و زیندووە و دەتوانێ بە باشترین شێوە سوود لە سامانەکانی وەربگرێ. بۆیە دڵنیام ئایندەیەکی زۆر گەش چاوەڕێی دەکات. لەگەڵ ئەوەیشدا تێپەڕاندنی ئەو بارودۆخەی ئێستا، تەحەمولێکی زیاتری دەوێت و لێرەدا بە پێویستی دەزانم سوپاسی بێ پایانی گەلی کوردستان بکەم بۆ خۆڕاگری و هەڵوێستی بەرپرسانەیان. هەروەها کوردستان پێویستی بە یارمەتیی وڵاتانی دۆست و هاوپەیمانە بۆ ئەوەی گەلی کوردستان و هەموو جیهان لەشەڕی تیرۆردا سەرکەون، بۆیە داوا لە هەموو ئەو دەوڵەتانە دەکەم یارمەتی پێشمەرگە و گەلی کوردستان بدەن.
هاونیشتیمانیانی خۆشەویست
لەپێناو چارەسەرکردنی ئەو گرفتانەی لە پڕۆسەی سیاسیی هەرێمدا هاتوونەتە پێش، لە دەستپێکی ساڵی تازەدا لەگەڵ حزبەکانی بەشدار لە حکوومەت و پارلەمان و لەپێناو بەرژەوەندیی گەلی کوردستان هەموو هەوڵێک دەدەم بۆ ئەوەی گرفتەکان نەمێنن و کەموکوڕی و کێشەکان دووبارە نەبنەوە و، پارلەمان و حکوومەت لەسەر بنەمایەکی تازە دەستبەکار ببنەوە.
سەبارەت بە بابەتی سەرۆکایەتیی هەرێمیش جارێکی تر داوا لە هەموو حزبە مۆڵەتپێدراوەکانی هەرێمی کوردستان دەکەم کە لەگەڵ یەکتردا کۆببنەوە و کۆتایی بەم بابەتە بهێنن. یان بڕیار لەسەر سازدانی هەڵبژاردنی سەرۆک بدەن، یان لەسەر دەستنیشانکردنی بەڕێزێک ڕێکبکەون کە هەتا هەڵبژاردنەکانی ساڵی 2017 ئەرکی سەرۆکایەتیکردنی هەرێم بگرێتە ئەستۆ و منیش بەهەموو توانایەک پاڵپشتیی دەکەم، یانیش بڕیار لەسەر ئەوە بدەن تاوەکو هەڵبژاردنەکانی 2017 بارودۆخەکە بەوشێوەیەی ئێستا بمێنێتەوە، ئەوەیش لەبەر شەڕ و ئەو دۆخە تایبەتەی کە کوردستان پێیدا تێدەپەڕێت. داوایش دەکەم کۆتایی بە ئیستغلالکردنی بابەتی سەرۆکایەتی بهێندرێت و چیتر بۆ ماندووکردنی خەڵک و قووڵترکردنی کێشەکان بەکار نەهێندرێت. ئەوەی بەلای منەوە گرنگ و پیرۆزە پێشمەرگایەتییە و ئەگەر لە هەر پۆست و پلە و پایەیەکدا بم هەموو هەوڵێکم دەخەمە گەڕ بۆ پاراستنی کوردستان و لە شەڕی داعش و کارکردن بۆ سەربەخۆیی وڵاتەکەم بەردەوام دەبم.
لە دۆخی ئێستادا ئەوە لە هەموومان دەخوازرێت لەجیاتی ڕکابەری و دژایەتی سیاسی، هەوڵی باشکردنی ژیانی خەڵکی کوردستان بدەین و سوود لە دەرفەتەکانی ئێستا وەربگرین، بەتایبەتی کە ناوچەکە لە گۆڕانکاری بەردەوامدایە و گەلی کوردستان ئێستا لە هەموو کات زیاتر داوای یەکڕیزیمان لێدەکات.
هەر بەم بۆنەیەوە داوا لە حکومەتی هەرێمی کوردستان دەکەم پلانی سەرکەوتووانە دابنێت بۆ تێپەڕاندنی هەموو سەختییەکان و چاکسازییەکی بنەڕەتی ئەنجام بدات. دڵنیام گەلی کوردستان دەتوانێت بەسەر سەختییەکانی ئێستا و داهاتوو زاڵ ببێت و بەرەو ژیانێکی خۆشتر هەنگاو دەنێت. هاووڵاتیانی خۆشەویست لەوە دڵنیا دەکەمەوە کە ئاوەدانی و بووژانەوەی کوردستان دەستپێدەکاتەوە و کار بۆ ژێرخانێکی ئابووریی پتەو دەکرێت.
لێرەدا سەری ڕێز لەبەردەم یاد و ڕۆحی پاکی شەهیدانی پێشمەرگە دادەنەوێنم و ستاییشی تەحەممولی بریندارەکان دەکەم و هیوای چاکبوونەوەیان بۆ دەخوازم. سوپاسی ڕۆڵە خۆبەخشەکان دەکەم کە لە شەڕەکاندا قارەمانانە شانبەشانی هێزی پێشمەرگە لە سەنگەری بەرگری لە کوردستانن. سوپاسی گەلی کوردستان دەکەم کە لەم شەڕە دژوارەدا پشتیوانی هێزی پێشمەرگە بوون و هەروەها بە پێویستیشی دەزانم سوپاسی وڵاتانی دۆست و هاوپەیمان بکەم کە لە شەڕی دژی تیرۆریستاندا پاڵپشتی پێشمەرگە بوون.
هیوادارم ساڵی 2016 ساڵی کۆتایهاتنی کێشە و قەیرانەکان و ساڵی سەرکەوتنی گەلەکەمان بێت. ئومێد دەکەم لە ساڵی داهاتوودا ئاشتی و سەقامگیری باڵ بەسەر ناوچەکەماندا بکێشێت و کۆتایی بە هزری شەڕانگێزی تیرۆر و توندڕۆیی و ئینکار بێت و بەختەوەری و ئاسوودەیی بۆ هەموو مرۆڤایەتی بێتەدی.
31-12-2015

ناونیشان: بڕیاری ژمارە 11ی ساڵی 2014 سەرۆکایەتی هەرێم[1]
=KTML_Link_External_Begin=https://www.kurdipedia.org/docviewer.aspx?id=413366&document=0001.PDF=KTML_Link_External_Between=کلیک بکە بۆ خویندنەوەی بڕیاری ژمارە 11ی ساڵی 2014 سەرۆکایەتی هەرێم=

بڕیاری ژمارە 16ی ساڵی 2014 سەرۆکایەتی هەرێم - هەرێمی کوردستان - عێراق[1]
=KTML_Link_External_Begin=https://www.kurdipedia.org/docviewer.aspx?id=413352&document=0001.PDF=KTML_Link_External_Between=کلیک بکە بۆ خویندنەوەی بڕیاری ژمارە 16ی ساڵی 2014 سەرۆکایەتی هەرێم

#پارتی دیموکراتی کوردستان# پێشوەختە ئامادەکاری بۆ کۆبوونەوەکەی سەرۆکایەتی هەرێم دەکات، کە بڕیارە بەم نزیکانە ئەنجامبدرێت.
کۆبوونەوەکەی سەرۆکایەتی هەرێم لە ماوەی ئەم مانگەدا بە ئامادەبوونی نوێنەری ئەمریکا و نەتەوەیەکگرتووەکان لە سەرۆکایەتی هەرێم بەڕێوە دەچێت و تێیدا سەرجەم لایەنە سیاسییەکان بەشداری دەکەن.
کۆبوونەوەکە تایبەت دەبێت بە پرسی ئەنجامدانی هەڵبژاردنی پەڕڵەمانی کوردستان و دیاریکردنی ڕۆژێک بۆ ئەنجامدانی هەڵبژاردنەکە و بابەتی هەموارکردنەوەی یاسای هەڵبژاردن و کاراکردنەوەی کارەکانی کۆمسیۆنی باڵای هەڵبژاردن و ڕاپرسی هەرێم.
شاندی پارتی لە کۆبوونەوەی لەگەڵ #کۆمەڵی دادگەریی کوردستان# و #یەکگرتووی ئیسلامیی کوردستان# و #بزووتنەوەی گۆڕان# کە لە ڕۆژانی چوارشەممە #01-02-2023# و پێنجشەممە #02-02-2023# بەڕێوەچوو، داوای لەلایەنەکان کردووە، بۆ ئەو پرسانە لە کۆبوونەوەکەی سەرۆکایەتی هەرێم نەرمی بنوێنن، بۆ ئەوەی ئەو پرسە بە ئاسایی تێپەڕێنن و کێشە بۆ پڕۆسەکە درووست نەبێت. [1]

نەوشیروان مستەفا
- 08-07-2013

یاسای (هەڵپەساردرنی دامەزراوەی سەرۆکایەتی هەرێم)
ماددەی (1)
هەڵبژاردنی سەرۆکی هەرێم هاوکات لەگەڵ خولی پێنجەمی پەرلەمانی کوردستان ئەنجام نادرێت.
ماددەی (2)
1- کار کردن بە یاسای دابەشکردنی دەسەڵاتەکانی سەرۆکایەتی هەرێم ژمارە(2)ی ساڵی2017 بەردەوام دەبێت.
2- دیوانی سەرۆکایەتی هەرێم لەکارو ئەرکەکانی بەردەوام دەبێت لە ژێر چاودێری ئەنجومەنی وەزیران کارەکانی ئەنجام دەدات.
ماددەی(3)
پێویستە خولی پێنجەمی پەرلەمانی کوردستان لە ماوەی دوو وەرزی گرێدانی ساڵی یەکەمیدا لەژێر ڕۆشنایی پێوەرە گشتییە دەستووریەکان بڕیار لەسەر چارەنوسی دامەزراوەی سەرۆکایەتی هەرێم بدات.
ماددەی(4)
کار بە هیچ دەقێکی یاسایەکی تر ناکرێت، پێچەوانەی حوکمەکانی ئەم یاسایە بێت.
ماددەی(5)
پێویستە لایەنە پەیوەندیدارەکان حوکمەکانی ئەم یاسایە جێبەجێ بکەن.
ماددەی(6)
ئەم یاسایە لە ڕۆژی دەرچوونییەوە کاری پێدەکرێت و، لە ڕۆژنامەی فەرمی(وەقائعی کوردستان) بڵاودەکرێتەوە.
#10-07-2018#

لەبەر چەند هۆکارێکی دیار پێکهێنانی حکومەت دواکەوتووە و داوای کارکردنەوەی سەرۆکایەتی هەرێمیش دەکرێ. من بەش بە حالی خۆم هەر لە سەرەتاوە تا ئێستاشی لەگەڵدابێ ئەو دەزگایە بە زیادە دەزانم، بەڵام ئەگەر کاراش بکرێتەوە لانی کەم دەبێ سەرۆک لەناو پەرلەمان هەڵبژێردرێ و دەسەڵاتەکانی سنوردار بکرێن، لەو بارەیەشەوە پارتی نەرمییەکی نواندوە. واتا ئێستا پارتی دوو فایلی بەدەستەوەیە بۆ ڕێککەوتن: کابینەی حکومەت و سەرۆکی هەرێم، بۆ هەردووکیشیان کاندیدی دیاریکردوە، ئەوە لەکاتێکدا کە بەپێی یاسا سەرۆکایەتی هەرێم سڕکراوە و بو کاراکردنەوەشی دەبێ پێش وەختە یاسای سەرۆکایەتی هەرێم هەموار بکرێتەوە، بەڵام پارتی تا ئێستا قایل نییە فایلەکانی بەغدا و #کەرکووک# بخرێنە سەرمێزی گفتوگۆ!
پێم وایە ڕێککەوتن لەسەر پێکهێنانی حکومەت و سەرۆکایەتی هەرێم پێویستە، بەڵام لەوە پێویستر چارەسەری کۆی کێشەکانی هەرێمە لەسەر ئاستی عێراق بەگشتی و کوردستانیش بەتایبەتی بۆ ئەوەی حکومەتێکی سەقامگیر و ئارامی و یەک دەنگی و یەک هەڵوێستیش لە بەغدا مسۆگەر بکرێن. ناکرێ پارتی بە ئارەزووی خۆی فایلێک هەڵبژێرێ و فایلێکی تریش لەسەر ڕەفە بهێلێتەوە پێویستە لەگەڵ یەکێتی و گۆڕان و لایەنەکانی تریش بەیەکەوە کۆی فایلەکان بخەینە سەر مێزی گفتوگۆ.
رێککەوتن لەسەر بەشێک و هێشتنەوەی بەشێکی تر دەردی گەلی کوردستان چارەسەر ناکات.
#ئارێز عەبدوڵڵا#
#06-01-2019#

لە ماوەی چەند ڕۆژی ڕابردوودا ژمارەیەک بەڕێزی سیاسی و فەرهەنگی و ئاکادیمی پەیوەندییان پێوە کردووم و دەڵێن ڕای ئێمە و بەشێکی هاووڵاتییانیش ئەوەیە کە چارەسەری قەیرانەکانی هەرێمی کوردستان لای منە و دەگوترێ بارزانی دەتوانێ گرفتەکان چارەسەر بکات.
وەک هەر هاووڵاتییەکی کوردستان حەز دەکەم قەیران و کێشەکان نەمێنن و کۆتاییان پێ بێت بەڵام هۆکاری گرفت و کێشەکان زۆرن. بەشێکیان دەرەکین و پەیوەستن بە بارودۆخی سیاسی و ئابووری و ئەمنی عێراق و ناوچەکە بە گشتی، وەکو پەلاماردانی تیرۆریستان و شەڕی داعش، دابەزینی نرخی نەوت، بڕینی بودجەی هەرێم و ئەو دۆخە نائاساییەی لە ئەنجامی میوانداریی سەدانهەزار ئاوارە هاتووەتە کایەوە. بەشێکی تری گرفتەکانیش ناوخۆیین و دەگەڕێتەوە بۆ ململانێی لایەنە سیاسییەکانی هەرێم.
ئەگەر چارەسەری گرفتە سیاسییەکانی ناوخۆی هەرێمی کوردستان لای منە، ئەوە چەندین جارە حزبەکانم بانگهێشت کردووە بۆ کۆبوونەوە بەڵام بە بیانووی جۆراوجۆر نەهاتوون. هەروەها داوام کردووە حزبەکان لەگەڵ یەکتر دابنیشن و چارەسەری دۆخەکە بکەن، دیسان دانەنیشتوون و شانیان نەداوەتە بەرپرسیارێتی بارودۆخەکە.
لەبارەی چارەسەری قەیرانی هەرێم ڕای خۆم لەمبارەیەوە ڕاگەیاندووە. ئێستایش دووپاتی دەکەمەوە، چارەسەری قەیرانی سیاسیی هەرێم بەمشێوەیە دەکرێت کە حزبەکان بکەونە گفتوگۆ و پارلەمان کارا بکرێتەوە و سەرۆکایەتییەکی تازە بۆ پارلەمان هەڵبژێردرێت. چونکە بۆ هەموو لایەک ڕوونە، ناکرێ ئەوانەی بوونەتە سەرچاوەی قەیران دووبارە سەرۆکایەتیی پارلەمان بگرنە دەست. هەروەها حزبەکان لەسەر ئەوە ڕێکبکەون حکوومەتێکی نوێ دابمەزرێت و بەڕێزێکیش بۆ سەرۆکایەتیی هەرێم هەتا کاتی هەڵبژاردن دەستنیشان بکرێت بۆ ئەوەی ئەرکی سەرۆکایەتیی هەرێم بگرێتە ئەستۆ و، منیش بە هەموو توانایەک یارمەتیی ئەو پڕۆسەیە دەدەم.
لەبارەی ناڕەزایەتیی مامۆستایان و فەرمانبەران، ڕێزم بۆ داوا و مافە ڕەواکانیان هەیە و حەقی خۆیانە داوای مافەکانیان لە حکوومەت و لایەنە پەیوەندیدارەکان بکەن و پاڵپشتیان دەکەم و پێویستە وڵاتەکەمان لە خوشی و ئاسوودەییدا بێ بەڵام بەهۆی ئەو قەیران و کێشە ئەمنی و ئابووری و سیاسییانەی هاتوونەتە پێش، ئیمکانیات و توانای حکوومەت سنووردار بووە. بەڵام کە پێیان وایە چارەسەر هەیە، با لایەنەکان و حکوومەت بفەرموون پێکەوە دابنیشن بە شەفافییەتێکی تەواو دۆخەکە چارەسەر بکەن و هەموو شتێکیش بخەنەڕوو و کۆتایی بە موزایەدات و شێواندنی ڕای گشتی بهێنرێت.
چاک دەزانم شاری سلێمانی لەژێر ئیرهابی فکری دایە و دەبێ ئەو ئیرهابە فکرییەی سەر شاری سلێمانی بشکێت. ئەو شارەی هەردەم تەحەددای زاڵم و داگیرکارانی کردووە و ڕۆڵەکانی ئامادە بوون زیندە بەچاڵ بکرێن بەڵام لەبەرانبەر زەعیم سدیق سەربەرزانە وەستان و ئامادە نەبوون قسە بە هێماکانی گەلی کوردستان بڵێن. ئەوە ڕای منە لەبارەی سلێمانی و خەڵکە سەرەبەرزەکەی، با کەس هەوڵ نەدات خوێندنەوەیەکی تر بەسەر خەڵکی ئەم شارەدا بسەپێنێت.
20-11-2016

13-07-2017

[1]