لە کاتژمێر 6ی ئێوارەی ئەمڕۆ ڕێکەوتی #17-07-2023#، تا کاتژمێر 12ی شەو سەرجەم گەشتەکانی هەردوو #فرۆکەخانەی نێودەوڵەتی سلێمانی# و #فڕۆکەخانەی نێودەوڵەتی هەولێر# ڕاگیران.
بەهۆی بوونی درۆنی نەناسراو لە ئاسمانی هەرێم، #حکومەتی هەرێمی کوردستان# بڕیاریداوە بۆ ماوەی 6 کاتژمێر هیچ فڕۆکەیەک لە هەردوو فڕۆکەخانەکەوە هەڵنەستێت و گەشتەکان دوا بخرێن. تەنیا پێشوازی لەو فڕۆکانە بکرێت پێش ئێوارەی ئەمڕۆ ڕێکەوتی 17-07-2023 بەڕێگاوەن بۆ هەردوو فڕۆکەخانەکە. ئەمەش لەپێناو سەلامەتی فڕۆکەکان و سەرنشینان.
لە ئێستادا بە هاوکاری هاوپەیمانان لێکۆڵینەوە دەکرێت لە ژمارەیەک درۆنی نەناسراو کە دوا نیوەڕۆی ئەمڕۆ لە ئاسمانی هەرێم بوون. هەر ئەمڕۆ درۆنێکی تورکی لە گوندێکی شارەدێی #سەنگەسەر#ی شارۆچکەی #پشدەر# کەوتە خوارەوە. [1]

#12-02-2018#

ئێوارەی ئەمڕۆ #31-12-2023# درۆنێکی بۆمبڕێژکراو کە ئاڕاستەی بنکەی سەربازیی هاوپەیمانیی نێودەوڵەتیی دژی #داعش# لە #فڕۆکەخانەی هەولێری نێودەوڵەتی#ی #هەولێر# کرابوو، تێکشکێندراو خرایە خوارەوە.
بەگوێرەی زانیارییەکانی دژەتیرۆری کوردستان، ئەمڕۆ یەکشەممە 31-12-2023، کاتژمێر 16:54، درۆنێکی بۆمبڕێژکراو کە لەلایەن میلیشیا لە یاسادەرچووەکانەوە ئاڕاستەی بنکەی سەربازیی هاوپەیمانیی نێودەوڵەتیی دژی داعش لە فڕۆکەخانەی نێودەوڵەتیی هەولێر کرابوو، تێکشکێندراو خرایە خوارەوە. [1]

وەزارەتی گواستنەوەی هەرێم ئاماری ژمارەی گەشتیارانی هاتووی مانگی ئازاری هەردوو فڕۆکەخانەی هەولێر و سلێمانی ئاشکرای دەکات و بەپێی ئامارەکەش جموجوڵی گەشتیاری لە فڕۆکەخانەی نێودەوڵەتی هەولێر زیاتره و سێ هێندەی فڕۆکەخانەی سلێمانییە.
بەپێی نوسراوێکی فڕۆکەخانەی نێودەوڵەتی هەولێر، لە مانگی ئازاردا (40.484) گەشتیار لە فڕۆکەخانەی هەولێرەوە هاتوون و (41.840) گەشتیاریش ڕۆیشتوون، بەگشتیش (82.324) بووه و 21 تەن باریش هاتووه و 4 تەنیش ڕۆیشتووە.
بەپێی ئاماری دیکەی هۆبەی ئاماری فڕۆکەخانەی نێودەوڵەتی سلێمانی کە کۆپییەکی لای دواڕۆژ لە مانگی ئازاردا (12.596) گەشتیار هاتوو و (13.308) گەشتیارش ڕۆیشتوون و بەگشتی (25.904) گەشتیار بووە.
سەبارەت بە باریش ئامارەکە ئاشکرای کردوە 78 تەن هاتووه و 0.5 تەنیش ڕۆیشتووە.
بە پێی ئەو ئامارە جموجوڵی گەشتیاری لە فڕۆکەخانەی نێودەوڵەتی هەولێر زیاتره و سێ هێندەی فڕۆکەخانەی سلێمانیە، بەگشتیش لە مانگی ئازاری ئەمساڵدا لە هەردوو فڕۆکەخانەکەوە 108 هەزار و 228 گەشتیار هاتووچۆیان کردووە.[1]
#09-05-2018#

دژە تیرۆری هەرێمی کوردستان: مووشەکێک ئاراستەی فڕۆکەخانەی #هەولێر# کرا
دەنگێکی بەرز لەنزیک فڕۆکەخانەی هەولێر بیسترا و دژە تیرۆری هەرێمی کوردستان دەڵێت، مووشەکێک ئاراستەی فڕۆکەخانەی نێودەوڵەتیی هەولێر کرا.
سەرچاوەیەک لە ئاسایشی هەولێر بە تۆڕی میدیایی ڕووداوی ڕاگەیاند، دەنگی تەقینەوەیەکی گەورە لەنزیک فڕۆکەخانەی هەولێر بیستراوە، ئاماژەی بەوەش کرد تەقینەوەکە بەهۆی کاتیۆشایەکەوە بووە کە ئاراستەی بنکەی سەربازیی هاوپەیمانان و ئەمریکا کراوە و تاوەکو ئێستا زیانەکانی دیار نییە.
هاوکات ئومێد خۆشناو، پارێزگاری هەولێر بە تۆڕی میدیایی ڕووداوی ڕاگەیاند دەنگی تەقینەوەکە لە دەوروبەری فڕۆکەخانەی هەولێر بیستراوە، لێکۆڵینەوەکان بۆ ئاشکراکردنی ئەو شوێنەی مووشەکەکەی لێوە ئاراستە کراوە دەستیپێکردووە. بەپێی زانیارییە سەرەتاییەکان، زیانی گیانی نەکەوتووەتەوە.
لە کۆنسوڵخانەی ئەمریکاش بەهۆی هێرشەکەوە زەنگی ئاگادارکردنەوە (ئاژیر) لێدراوە.[1]

بە فڕۆکەیەکی بێفڕۆکەوان هێرش کرایە سەر #فڕۆکەخانەی هەولێر# و هێزەکانی مقاوەمەی ئیسلامیش بەرپرسیاری خۆی لە هێرشەکە ڕاگەیاند.
مقاوەمەی ئیسلامی ئەمڕۆ ڕێکەوتی #23-11-2023# لە بەیاننامەیەک ڕایگەیاندووە، لە بەرانبەر ئەو تاوانانەی، کە دوژمن دژی گەلەکەمان لە غەزە ئەنجامی دا، هێزەکانی مقاوەمەی ئیسلامی لە ئێراق بنکەی داگیرکەری ئەمریکییان لە فڕۆکەخانەی هەولێر کردە ئامانج.
مقاوەمەی ئیسلامی ڕاشیگەیاند، بە فڕۆکەیەکی بێفڕۆکەوان هێرشەکە کراوە، کە ڕاستەوخۆ ئامانجەکەمان پێکاوە، بەبێ ئەوەی زانیاری زیاتر لەبارەی هێرشکەوە بخاتەروو.
ئەمە لەکاتێکدایە، تا ئێستا نە فڕۆکەخانەی هەولێر، نەهیچ لایەنێکی ئەمنی و فەرمی هیچ ڕاگەیەنراو و ڕوونکردنەوەیەکیان لەبارەی هێرشەکەوە ڕانەگەیاندووە. [1]

#ئانۆ جەوهەر# وەزیری گواستنەوە و گەیاندنی هەرێم ڕایگەیاند: هاووڵاتییان و دەزگاکانی ڕاگەیاندن ئاگادار دەکەین کە هیچ کێشەیەکی تەکنیکی یاخود ئەمنی لە #فڕۆکەخانەی نێودەوڵەتی هەولێر# و #فرۆکەخانەی نێودەوڵەتی سلێمانی# نییە، و هیچ هێزێکی ئەمنی جووڵەی پێ نەکراوە بۆ فڕۆکەخانەکان، بەڵکو‏ بە پێی بڕیارێکی دەسەڵاتی فڕۆکەوانی مەدەنیی ئێراقی، چەند کاتژمێرێک ئاسمان بە ڕووی فڕۆکەوانی ڕاگیرا.

=KTML_Bold=دەقی ڕوونکردنەوەکەی ئانۆ جەوهەر _ وەزیری گواستنەوە و گەیاندن:=KTML_End=
بۆ ئاگاداری سەرجەم هاووڵاتییان و دەزگاکانی ڕاگەیاندن، هیچ کێشەیەکی تەکنیکی یاخود ئەمنی لە فڕۆکەخانەی نێودەوڵەتی ئەربیل (هەولێر) و فڕۆکەخانەی نێودەوڵەتی سلێمانی نییە، و هیچ هێزێکی ئەمنی جووڵەی پێ نەکراوە بۆ فڕۆکەخانەکان.
فڕۆکەخانەکانی کوردستان بە توانای تەواوەوە کار دەکەن.
بە پێی بڕیارێکی دەسەڵاتی فڕۆکەوانی مەدەنیی ئێراقی، چەند کاتژمێرێک ئاسمان بەرووی فڕۆکەوانی ڕاگیرا. [1]

ئانۆ جەوهەر
وەزیری گواستنەوە و گەیاندن