بەرپرسی ناوەندی پەروەردەی زمانی کوردی و ئەدەبیاتی منداڵانی ئەدەب لە شاری #بۆکان#.
مستەفا ئێلخانی زادە
مستەفای ئێلخانی زادە یەکێکە لە نوسەرەکانی خۆرهەڵاتی کوردستان و لەبواری جۆراوجۆری ئەدەب کاردەکات وەک شیعر و وەرگێڕان و زمانەوانی، بەڵام زیاتر وەک نوسەرێکی ئەدەبیاتی منداڵان ناسراوەو زیاتر لە چل کتێبی چاپکراوی هەیە بەزمانی کوردی، فارسی تورکی، هاوکات چیرۆکنوس و وەڕگێڕێکی بەسەلیقەشەو چەندان بەرهەمی جۆراوجۆری بڵاوکردۆتەوەو ئەندامی (ئەنجومەنی نوسەرانی منداڵانی ئێران)ە کە مەڵبەندی سەرەکی لە شاری تارانە، هەروەها ئەندامی (ئەنجومەنی پەروەردەی نەوجەوانانی ئێران)ە
جگە لەوەش لە بۆکان فێرگەیەکی فێرکردنی زمانی کوردی هەیە، بەناوی (کۆڕی فێرکاری و فەرهەنگی ئەدەب)، لەبەرئەوەی زمانی کوردی لە قوتابخانەکانی ڕۆژهەڵاتی کوردستان ناخوێندرێت، بۆیە ئیشی ئەو فێرگەیە ئەوەیە وانەی کوردی لە سێ قۆناغی جیادا بڵێتەوە، لەو فێرگەیەدا منداڵ و پیر پێکەوە وانە دەخوێنن.
مستەفا ئێلخانی زادە لەڕۆژی (3 مردادی 1324 هەتاوی بەرامبەر 25-7-1945 زاینی) لە شارە جوانەکەی بۆکان لەدایکبووە.
-نوسەر، زمانەوانەو چەندین ساڵە لە بواری پەروەردەی زمانی کوردی و وەرگێران و نووسیندا چالاکە و چەندین کتێبی لە بواری زمانی کوردی و وێژەی منداڵاندا چاپ و بڵاوکردووەتەوە.
بە کوردی و فارسی، تورکی لە بواری وەرگێڕان و ئەدەبی منداڵاندا، کتێبی چاپکراوی هەیە.
-بەڕێوەبەری دامەزراوەی فەرهەنگی و بارهێنانی وێژەیی لەشاری بۆکانە.
ئەندامی ئەنجوومەنی نووسەرانی منداڵان و مێرمنداڵانی ئێرانە کە ناوەندەکەی لە شاری تارانە.
-لەلایەن زانکۆی کۆیەوە ڕێزلێنانی پێبەخشراوە.
-ساڵی 2014 لەلایەن بونیادی زانست و تەکنیکی ئێرانەوە پلەی دکتۆرای زمانی کوردی پێبەخشرا.
زیاتر لە چل کتێبی چاپکراوی هەیە.
$هەندێک لە کتێبەکانی بۆ منداڵان بە زمانی فارسی :$
مجموعه قصەهای کودکان
سه شیاد بدبخت
چاره (مجموعەی چهار داستان از کردستان)
انشا و نامەنگاری یاران (برای دورەی ابتدایی)
$کتێبەکانی بەزمانی کوردی بۆ منداڵان :$
شازادە چکۆلە
سەندرێللا
بێچووە مراوی ناشیرین
جرجه مشک
خەڵات
ئەولا دەشت و ئەولا دەشت [1]

لە درێژەی شاڵاوی دەستبەسەرکردنی چالاکوانانی نێوخۆی ڕۆژهەڵات، ڕۆژی سێ شەممە مستەفا ئیلخانی زادە، نووسەر، شاعیر، مامۆستای زمانی کوردی و بەرپرسی ناوەندی کولتووری و فێرکاریی ئەدەب لە #بۆکان# لەلایەن هێزە ئەمنییەکانی ئێرانەوە دەستگیر کرا.
بە گوێرەی هەواڵی ڕێکخراوەکانی تایبەت بە مافی مرۆڤ، ، لە 18 ڕۆژی ڕابردوودا لە ڕۆژهەڵاتی کوردستان پتر لە 90 چالاکوانی کورد دەستگیر کراون کە 9 کەسیان ژنن.
ڕۆژی سێ شەممە 26 ژانوییەی2021 هێزە ئەمنییەکانی ئێران هێرشیان کردۆتە سەر ئۆفیسی کار و ماڵی مستەفا نیلخانی زادە، نووسەر و شاعیر و مامۆستای زمانی کوردی و بەرپرسی ناوەندی کولتووری و فێرکاریی ئەدەب لە بۆکان و دەستگیریان کردووە و هاوکات لەگەڵ دەستگیرکردنی مستەفا ئیلخانی زادە، ماڵەکەی و شوێنی کارەکەیان پشکنیوە و دەستیان بەسەر مۆبایل و لاپتۆب و کەلوپەلە تایبەتەکانیشیدا گرتووە.
مستەفا ئیلخانی زادە، تەمەن 75 ساڵ و نووسەری ناسراوی کوردە ساڵی 1945 لە بۆکان لەدایک بووە. نووسەر، زمانەوانەو چەندین ساڵە لە بواری پەروەردەی زمانی کوردی و وەرگێڕان و نووسیندا چالاکە و چەندین کتێبی لە بواری زمانی کوردی و وێژەی منداڵاندا چاپ و بڵاو کردووەتەوە.
- بە کوردی و فارسی، تورکی لە بواری وەرگێڕان و ئەدەبی منداڵاندا، کتێبی چاپکراوی هەیە.
- بەڕێوەبەری دامەزراوەی فەرهەنگی و بارهێنانی وێژەیی لەشاری بۆکانە.
- ئەندامی ئەنجوومەنی نووسەرانی منداڵان و مێرمنداڵانی ئێرانە کە ناوەندەکەی لە شاری تارانە.
-لەلایەن زانکۆی کۆیەوە ڕێزلێنانی پێ بەخشراوە.
-ساڵی 2014 لەلایەن بونیادی زانست و تەکنیکی ئێرانەوە پلەی دکتۆرای زمانی کوردی پێ بەخشرا.
- زیاتر لە چل کتێبی چاپکراوی هەیە.
- هەندێک لە کتێبەکانی بۆ منداڵان بە زمانی فارسی:
- مجموعه قصەهای کودکان
- سه شیاد بدبخت
- چاره (مجموعەی چهار داستان از کردستان)
- انشا و نامەنگاری یاران (برای دورەی ابتدایی)
- چەند کتێبێکی بە زمانی کوردی بۆ منداڵان :
- شازادە چکۆلە
- سەندرێللا
- بێچووە مراویی ناشیرین
- جرجه مشک
- خەڵات
- ئەولا دەشت و ئەولا دەشت.
کانوونی نووسەرانی کوردستان، دەستبەسەرکرانی کاک مستەفا ئیلخانیزادە نووسەری ناسراوی ڕۆژهەڵات بە تووندی مەحکوم و داوا دەکا بە زووترین کات ئازاد بکرێ و لە هەمان کات دا
شاڵاوی دەستبەسەرکرانی چالاکوانانی کۆمەڵگەی مەدەنیی ڕۆژهەڵاتی کوردستان بە درێژەپێدانی سەرکوت و پێشێلکردنی مافەکانی مرۆڤ دەزانین و داوا لە ناوەندەکانی مافی مرۆڤ دەکەین لەم پەیوەندییەدا هەڵوێستیان هەبێ.
کانوونی نووسەرانی کوردستان
27 ژانوییەی 2021