دواڕۆژ، ئاوارە حەمید
سکرتێری حزبی بێت نەهرێن ڕایگەیاند، چەکدارانی داعش ناوچە کریستان نشینەکانی دەشتی نەینەوایان وێرانکردوە و بۆ ئاوەدانکردنەوەی ناوچەکان پێویستە کۆنفڕانسێکی نێودەوڵەتی تایبەت بە ئاوەدانکردنەوەی ناوچەکە ئەنجامبدرێت.
رۆمیۆ هەکاری، سکرتێری حزبی بەیت نەهرێن بە دواڕۆژی ڕاگەیاند "قەزای قەرقووش کە گەورەترین قەزای دەشتی نەینەوایە وێران بوە، هەروەها شارۆچکەکانی تلسقۆف، باتما و بەرتەللە زیاتر لە سەدا هەشتایان وێران بووە و تائێستا زیاتر لە %70 ناوچە کریستان نشینەکانی دەشتی نەینەوا لە دەست چەکدارانی داعش ڕزگارکراون".
سەبارەت بە ئاوەدانکردنەوەی ئەو ناوچانە، ڕۆمیۆ هەکاری وتی "زیاتر لە ساڵێکە داوامان لە حکومەتی هەرێم و بەغدا و کۆمەڵگای نێودەوڵەتی کردوە بۆئەوەی ناوچەکانمان ئاوەدان بکەنەوە، بەڵام وەڵاممان نەدراوەتەوە".
لەبارەی ناوچە شوێنەوارییەکانی کریستان نشینەکان، سکرتێری حزبی بێت نەهرێن وتی "دەشتی نەینەوا چەندین شوێنەواری مێژویی گرنگی تێدایە، بەڵام بەهۆی هاتنی چەکدارانی داعش و شەڕی بەردەوام لەو ناوچەیە بەشێکی زۆری ئەو ناوچە شوێنەوارییانە وێران بوون".
هەکاری پێشنیاردەکات کۆنفڕانسێکی نێودەوڵەتی تایبەت بە ئاوەدانکردنەوەی دەشتی نەینەوا ئەنجامبدرێت، بەهۆی ئەو وێرانییە زۆرەی بەسەر ئەو ناوچەیەدا هاتوە.
- 31-10-2016

خەندان-ڕەهێل سەمەد
بەگوێرەی ئامارەکان لە مانگی شوباتی ڕابردوو زیاتر لە حەفتا کەس لە پارێزگای نەینەوا کوژراون، لەو ژمارەیە 11 کەسیان کوردن، ئەمە لەکاتێکدا لە مانگی کانونی دووەمی ئەمساڵ زیاتر لە 90 کەس لەو پارێزگایە کوژرا بوون.
سەعید مەموزینی، کاگێری لقی 14ی #پارتی دیموکراتی کوردستان# لە موسڵ بە خەندانی ڕاگەیاند، لە ماوەی مانگی شوباتی ڕابردوو، لە سنووری پارێزگای نەینەوا، 73 کەس بە هەردوو ڕەگەزی نێر و مێ بە ڕووداوی جۆراوجۆر کوژراون، وتیشی: لەو ژمارەیە 11 کەسیان کوردن کە زۆربەیان لە کوردانی شەبەکن.
بڵاوکردنەوەی ئەو ئامارە لەکاتێکدایە لە مانگی کانونی دووەمی ئەمساڵ 91 کەس لە شاری موسڵ و دەوروبەری بە ڕووداوی جۆار وجۆر کوژراون، لەو ژمارەیە شەش کەسیان لە نەتەوەی کورد بوون، بەمەش ڕێژەی کوژراوان لە مانگی دوو بە بەراورد بە مانگی یەکی ئەمساڵ بەهۆی کردە توندوتیژییەکان کەمی کردووە.
هاوکات بە گوێرەی ئامارێکیش لە ماوەی ساڵی 2013، لە سنووری ئەو پارێزگایە 714 کەس بە ڕووداوی توندوتیژی کوژراون، کە 103 یان کوردن، لەو ژمارەیە شەش ڕۆژنامەنووس و 3 دکتۆر و 2 ئەندازیار و فرۆکەوانێک لەنێو ئەو کوژراوەکاندان.
هۆکاری بەردەوامی توندوتیژیەکانی ئەو پارێزگایە بۆ بوونی چەکدارەکانی سەر بە دەوڵەتی ئیسلامی ئێراق و شام دەگەڕێتەوە، کە بەهۆی قەیرانەکانی سووریا بەردەوام لە ڕێی ناوچە سنوورییەکانەوە دزە دەکەنە ناوچەکانی پارێزگای ئەنبار.
01-03-2014

خەندان - ڕەهێل سەمەد
بە گوێرەی‌ ئامارێک لەمانگی‌ ڕابردوودا زۆرترین ڕووداوی‌ کوشتن بەبەراورد لەگەڵ دوومانگی‌ پێشوو لە سنوری‌ پارێزگای‌ نەینەوا تۆمارکراوە کە زۆرترینیان لە چەکدارانی‌ داعش بووە.
سەعید مەموزینی‌ کارگێڕی‌ لقی‌ 14ی‌ پارتی‌ لە نەینەوا بە خەندانی‌ ڕاگەیاند: لە مانگی‌ ئازاردا زۆرترین ڕووداوی‌ کوشتن لە پارێزگای‌ نەینەوا بە بەراورد بە مانگەکانی‌ یەک و دووی‌ ئەمساڵ ڕوویداوە.
سەعید مەموزینی‌ وتی‌: "لە مانگی‌ ئازاردا 198 کەس کوژراون، لەوانە 93یان چەکدارانی‌ دەوڵەتی‌ ئیسلامی‌ لە عیراق و شام (داعش) بوون، ئەوانی‌ تر لە هێزە ئەمنییەکان و کەسانی‌ مەدەنی‌ بوون، کە هەشت کەسیان کوردن".
ئەوەشی‌ خستەڕوو کە کوژرانی‌ 198 کەس لەمانگی‌ ڕابردوودا لە کاتێکدایە لەمانگی‌ یەک 93 کەس و لەمانگی‌ دوو 73 کەس لە پارێزگای‌ نەینەوا کوژراون، بەمەش ژمارەی‌ کوژراوەکانی‌ مانگی‌ ئازار لەهەردوو مانگەکەی‌ پێشتر زیاتر بووە.
هەروەک چاودێران ئاماژەی‌ بۆدەکەن پارێزگای‌ نەینەوا وەک گەورەترین پارێزگای‌ سوننەنشین لە عیراق بەهۆی‌ نزیکی‌ لە وڵاتی‌ سوریا و بوونی‌ ژمارەیەکی‌ زۆر لە پاشماوەکانی‌ ڕژێمی‌ بەعس، بەیەکێک لە خراپترین پارێزگاکان لە ڕووی‌ ئەمنییەوە دادەندرێت.
- 02-04-2014

#ئەدهەم بارزانی#: بەناوی خوای گەورە و میهرەبان
هاووڵاتییانی کورد هاووڵاتییانی ستەم دیدەی ناوچە جێناکۆکەکان

ئەمڕۆ ڕێکەوتی #16-12-2023# دەنگدانی تایبەت بۆ هەڵبژاردنی ئەنجوومەنی پارێزگاکانی ئێراق دەستی پێ کرد، کە پڕۆسەیەکی گرنگ و هەستیارە لە بەردەم دۆزی ڕەوای میللەتەکەمان بە گشتی و هاووڵاتییانمان لە ناوچە جێناکۆکەکان بەتایبەتیی.
من ڕووم بەتایبەت لە ئێوەی کوردانی ستەم دیدەی #نەینەوا# و #کەرکووک#ی دڵمان و #خانەقین#ی سەربەرز و کوردپەروەرە، کە ساڵانێکی زۆر خۆتان و باوباپیرانتان قوربانی دەستی ستەمی ڕژێمە سەرکوتکارەکانی ئێراقن، ئێستا هەلێکی زێڕین لە بەردەمتانە تاوەکوو بتوانن بە پڕکردنی سندوقەکان بەدەنگی کورد، جارێکیتر دەستی ستەم کوورت بکرێت و کوردستانی بوونی ئەو ناوچانە بەدەنگی بەرزی ئێوەی خۆشەویست بسەلمێنن سەرمانبەرزبکەن.
لێرەشەوە داوا لە هەموو ئەو کەسانە دەکەم کە پەیامەکەی بەندەیان پێدەگا، دەنگبدەن بە کاندیدەکانی هێژا کاک #بافڵ تاڵەبانی# چونکە ئەو سەرکردەیەیە کە بتوانێت بەرگری لە مافەکانتان بکات. [1]

براتان
ئەدهەم عوسمان شێخ ئەحمەد بارزانی
16-12-2023

دوای ئاشکراکردنی ئەنجامی بەرایی چەند کەمپێکی ئاوارەکانی پارێزگای نەینەوا، پارتی دیموکراتی کوردستان دەنگی یەکەمی بە دەستهێناوە.
$کەمپی هەرشەم$
لەکەمپی ئاوارەکانی هەرشەم 1101 کەس بەشداریی هەڵبژاردنیان کردووە و دەنگی خۆیان خستووەتە نێو سندووقی دەنگدان، 150 دەنگ پووچەڵکراوەتەوە و 951 دەنگ هەژمار کراوە.
ئەنجامەکە بەمشێوەیە
1- پارتی دیموکراتی کوردستان 525 دەنگ
2-قەڵای جەماوەری نیشتمانی 187 دەنگ
3-لیستی سەلاحەدین ناسنامەی ئێمەیە 74 دەنگ
4-پارتی جەماوەری نیشتمانی 50 دەنگ
5-هاوپەیمانی وەتەنییە (ئەیاد عەللاوی) 15 دەنگ
6-یەکێتی نیشتمانی کوردستان 12 دەنگ
7- ئەوانی دیکە 177 دەنگ
$کەمپی خازر$
لەکەمپی ئاوارەکانی خازر 2820 کەس لەکۆی 3000 دەنگدەر بەشداریی هەڵبژاردنیان کردووە و دەنگی خۆیان خستووەتە نێو سندووقی دەنگدان، 1639 دەنگ بە هۆکاری جیاجیا پووچەڵکراونەتەوە و 1181 دەنگ هەژمار کراوە.
1- پارتی دیموکراتی کوردستان 986 دەنگ
2- نەینەوا ناسنامەمانە 86 دەنگ
3- نەسر 79 دەنگ
4- فەتح 21 دەنگ
5- یەکێتی نیشتمانی کوردستان 7 دەنگ
$کەمپی U2$
لەکەمپی ئاوارەکانی U2 لەکۆی 6 وێستگەی دەنگدان 1649 کەس بەشداریی هەڵبژاردنیان کردووە و دەنگی خۆیان خستووەتە نێو سندووقی دەنگدان، 661 دەنگ بە هۆکاری جیاجیا پووچەڵکراونەتەوە و 988 دەنگ هەژمار کراوە.
1- پارتی دیموکراتی کوردستان 385 دەنگ
2- نەینەوا ناسنامەمانە 40 دەنگ
3- نەسر 28 دەنگ
4- فەتح 14 دەنگ
5- یەکێتی نیشتمانی کوردستان 9 دەنگ
$کەمپی حەسەن شام U3$
لەکەمپی ئاوارەکانی کەمپی حەسەن شام U3 ژمارەی ئەو کەسانەی بەشداریی هەڵبژاردنیان کردووە و دەنگی خۆیان خستووەتە نێو سندووقی دەنگدان، 1853 کەس بووە، 854 دەنگ بە هۆکاری جیاجیا پووچەڵکراونەتەوە و 999 دەنگ هەژمار کراوە.
1- پارتی دیموکراتی کوردستان 780 دەنگ
2- نەینەوا ناسنامەمانە 118 دەنگ
3- نەسر 47 دەنگ
4- یەکێتی نیشتمانی کوردستان 38 دەنگ
بەگشتی لە پارێزگای نەینەوا 910 هەزار و 298 دەنگ جیاکرانەوە و لە ئەنجامدا هاوپەیمانی نەسر پلەی یەکەم و پارتی دیموکراتی کوردستان پلەی دووەمی دەنگەکانیان بەدەستهێنا.
1-هاوپەیمانی نەسر بە سەرۆکایەتی عەبادی 164 هەزار و 714 دەنگ
2- پارتی دیموکراتی کوردستان 134 هەزار و 782 دەنگ
3-هاوپەیمانی وەتەنییە 97 هەزار و 58 دەنگ
4-هاوپەیمانی فەتح 73 هەزار و 253 دەنگ
5-هاوپەیمانی قەراری عێراقی 65 هەزار و 76 دەنگ
6-یەکێتیی نیشتمانیی کوردستان 32 هەزار و 178 دەنگ[1]
#16-05-2018#

دوای ئەوەی دوێنێ #22-01-2024# ئەنجامی کۆتایی ھەڵبژاردنی ئەنجوومەنی پارێزگاکانی ئێراق پەسەندکرا، گوتەبێژی بەشی ھەڵبژاردنی پارتی ئاماژەی بۆ ئەوە کرد، ئەنجوومەنی پارێزگاکان دەتوانن یەکەم کۆبوونەوەی خۆیان بکەن و پارتیش لە #نەینەوا# و #کەرکووک# دەست بە دانووستان دەکات.
ھاوار محەمەد، بە ماڵپەڕی فەرمیی پارتی دیموکراتی کوردستانی ڕاگەیاند: لەڕووی یاسایی ئەنجوومەنی پارێزگاکانی ئێراق دەتوانن دەست بە کۆبوونەوەی خۆیان بکەن، بەڵام پێویستی بە ڕێککەوتن ھەیە بۆ ئەوەی پارێزگار دیاری بکرێت، بەتایبەتیی لە ھەردوو پارێزگای نەینەوا و کەرکووک، ھیچ لایەنێک ناتوانێت بەتەنیا پارێزگار دیاری بکات و پێویستی بە ڕێککەوتنی کوتلەکانی ئەنجوومەنی پارێزگایە.

محەمەد دەشڵێت: پارتی لە ھەردوو پارێزگای نەینەوا و کەرکووک دەست بە دانووستان دەکات بۆ ئەوەی ھاوپەیمانی درووست بکات بۆ دیاریکردنی پارێزگار و حکوومەتی خۆجێی ھەردوو پارێزگاکە.
ھاوار محەمەد ئاماژەی بۆ ئەوە کرد: مەرج نییە لە یەکەم کۆبوونەوەی ئەنجوومەن پارێزگار دیاری بکرێت، تەنیا بەتەمەنترین ئەندامی ئەنجوومەن کۆبوونەوەی یەکەم بەڕێوەدەبات تا سەرۆک و جێگری ئەنجوومەن دیاری دەکرێن، دواتر پارێزگار لەلایەن ئەنجوومەنی پارێزگاوە دیاری دەکرێت، بەڵام پێویستی بە ڕێککەوتن ھەیە، چونکە ھیچ لایەنێک نەیتوانیوە بەشی ئەوەندە کورسی مسۆگەر بکات پارێزگار دیاری بکات. [1]

مستەفا گەرعاوی، ئەندامی لیژنەی دارایی لە ئەنجوومەنی نوێنەرانی ئێراق لە چاوپێکەوتنێکی لەگەڵ کەناڵی ڕابیعەی ئێراقی ڕایگەیاند (ژمارەیەک پەڕڵەمانتاری عەرەب و تورکمان، لە هەردوو پارێزگای #کەرکووک# و #نەینەوا# سکاڵایان دژی هەرێم تۆمارکردووە بەهۆی دەرهێنانی نەوت لە کێڵگە نەوتییەکانی پارێزگای کەرکووک و نەینەوا).
گەرعاوی، ئاشکرای کردووە ”سکاڵاکە دژی دەرهێنانی نەوت و دەست بەسەرداگرتنی کێڵگەکانە لەلایەن هەرێمەوە لەو دوو پارێزگایە. داوا دەکەن کێڵگەکان بۆ ئەو دوو پارێزگایە بگەڕێتەوە و سکاڵاکەیان ڕەوانەی دادگای فیدڕاڵی کردووە”.

سکاڵای پەڕڵەمانتارانی عەرەب و تورکمانی کەرکووک و نەینەوا، دوای سکاڵایەکی کۆمپانیای نەوتی باکوور دێت کە ئێستا لە دادگای کەرخە بۆ گێڕانەوەی هەرسێ کێڵگەی کۆرمۆر و خوڕمەڵە و جەستان بۆ ژێر کۆنترۆڵی کۆمپانیای نەوتی باکوور.
ئەو پەڕڵەمانتارانە هەوڵ دەدەن بڕگەیە لە ماددەی 14ی پڕۆژە یاسای بودجە جێگیر بکەن کە چیتر هەرێم نەتوانێت کەڵک لەو کێڵگانە وەربگرێت. بەو پێیەی ئەو کێڵگانە ناکەونە سنووری ئیدارەی هەرێم، بەڵکوو لە سنووری ماددەی ”140”ن. [1]

مەسعود بارزانی پەیامێکی سەرەخۆشی بڵاوکردەوە بۆ کۆچی دوایی دورەید کەشموولە، پارێزگاری پێشووتری نەینەوانەینەوا و هاوخەمی بۆ خانەوادە و کەسوکارەکەی دەردەبڕێت.

=KTML_Bold=دەقی پەیامی سەرەخۆشیی مەسعود بارزانی بۆ کۆچی دوایی پارێزگاری پێشووی نەینەوا=KTML_End=
بەناوی خودای بەخشندە و میهرەبان
بەداخێکی زۆرەوە هەواڵی کۆچی دوایی دورەید کەشموولە پارێزگای پێشووی نەینەوامان پێ گەیشت.
سەرەخۆشی لە خانەوادە و کەسوکاری خوالێخۆشبوو دورەید کەشموولە و هەموو دۆست و ئاشنایانی دەکەم و خۆم بە هاوبەشی خەمیان دەزانم.
لە خودای گەورە داواکارم ڕۆحی خوالێخۆشبوو بە بەهەشتی بەرین شاد بکات و سەبر و ئارامی بە هەموو لایەک ببەخشێت. [1]

انا لله و انا الیە راجعون
#مەسعود بارزانی#

#12-02-2019#

$دوئێخ نەوشە لە نەینەوا جەنگاوەر کۆدەکاتەوە$
ئامادەکردنی: کەناڵی ڕووداو
#12-12-2014#
$رووداو- باقۆفا$
ئاشوورییەکانی دەشتی مووسڵ هێزێکی سەربازیی دووسەد کەسییان پێکهێناوە و ناوێکی هاوشێوەی پێشمەرگەیان لێناوە. ئەوان بڕیارەکەی دەوڵەتی فەرەنسا بۆ پێدانی مافی پەنابەری بە ئاشوورییەکان ڕەتدەکەنەوە و دەڵێن: خاکی خۆمان بۆ کەس بەجێناهێڵین.
$گیانبەخشە کریستیانەکان$
لە گوندی باقۆفای دەشتی مووسڵ دوو سەد جەنگاوەری ئاشووری خەریکی مەشقن. ئەوان ناویان لەخۆیان ناوە (دوئێخ نەوشە) . بە زمانی سریانی کە زمانی ئاشوورییەکانە، ئەو وشەیە بەمانای گیانبەخش دێت. ئەمەش نزیکە لە واتای وشەی پێشمەرگە لە زمانی کوردیدا.
جەنگاوەرە ئاشوورییەکان تاوەکوو ئێستا، وەک لە ناوەکەیانەوە دیارە، گیانیان نەبەخشیوە و لە شەڕی دژی #داعش#دا کەسیان لێ شەهید یان بریندار نەبووە. بەڵام ناوچەیەکی فراوانی ئاشوورییەکان لە دەشتی مووسڵ بەدەست داعشەوەیە، ئەمەش وادەکات دوئێخ نەوشە ڕۆژانی سەختی لەپێش بن بۆ بەشداریکردن لە کۆنترۆڵکردنەوەی ئەو ناوچانەدا.
ئەلبێرت کیسۆ، گوتەبێژی دوئێخ نەوشە، بە (رووداو) ی گوت: هێزەکەمان لە مانگی هەشتی ئەمساڵدا بە دەستپێشخەریی پارتی نیشتمانیی ئاشووری دامەزراوە. واتە ماوەیەکی زۆر نییە دامەزراوە و دەزانین شەڕی سەختمان لەپێش دەبێت. کیسۆ، کە لە ساڵانی هەشتادا لە ڕیزی سوپای ئێراقدا سەربازیی کردووە، لەبارەی ئەزموونی سەربازیی دوئێخ نەوشەوە گوتی: لەنێوماندا هەیە ئەفسەر بووە، هەندێکمان پێشتر سەربازیمان کردووە و کەسانی شارەزاین.
$تەقەمەنیی ئێرانی$
بارەگای سەرەکیی دوئێخ نەوشە لە باقۆفا لە ماڵی موختاری گوندەکەدایە. لە ڕاڕەوی ماڵەکەدا ژمارەیەک سندوقی تەقەمەنی دانراون. سندوقەکان بە زمانی فارسی لێیان نووسراوە. ماجید ئیلیا، کە ڕۆژنامەنووسە و بەرپرسی ڕاگەیاندنی دوئێخ نەوشەیە، لەبارەی ئەو سندوقانەوە گوتی: چەکەکانمان و تەقەمەنیشمان لە بازاڕ کڕیوە و کەس هاوکاریی نەکردووین. ئەمجۆرە شتانە لە بازاڕدا دەفرۆشرێن. جۆری چەکی جەنگاوەرانی دوئێخ نەوشە سادەیە. زۆربەیان کڵاشینکۆف یان چەکی دیکەی سووکیان پێیە. گوتەبێژی دوئێخ نەوشە دەڵێت: ئەرکی ئێستامان پاراستنی ماڵ و حاڵی خەڵکی خۆمان و داکۆکیکردنە لەم خاکە پیرۆزە.
ئەو ناوچەیەی دوئێخ نەوشە تێیدا جێگیرە بە خاکی کەڤناری ئاشوورییەکان دادەنرێت. لەنێو ئاشوورییەکانی دەرەوەی کوردستاندا جووڵانەوەیەک هەیە کە بانگەشەی ئەوە دەکات ئەو ناوچەیە کوردستان نییە و کورد لە سەردەمێکی مێژووی دووردا وەکوو داگیرکەر هاتوونەتە ئەو ناوچەیە. بەڵام زۆرینەی ئاشوورییەکانی کوردستان وا بیرناکەنەوە. بەشێک لەو ئاشوورییانە داوا دەکەن لە ناوچەکانی خۆیاندا لە دەشتی مووسڵ جۆرێک لە ئۆتۆنۆمییان بدرێتێ لە چوارچێوەی هەرێمی کوردستاندا.
$سەرچاوەی دارایی دوئێخ نەوشە$
ئەلبێرت کیسۆ دەڵێت تەواوی ئەو کەسانەی دەبنە جەنگاوەری دوئێخ نەوشە خۆبەخشن. بەڵام مووچەیەک وەردەگرن. سەبارەت بە سەرچاوەی داهاتی ئەو هێزە چەکدارییە ئاشوورییە، گوتەبێژی دوئێخ نەوشە، گوتی: هەندێک دۆست و پشتیوانمان لە ئەوروپا و ئەمریکا و ئوسترالیا هەن، ئەوان پارەمان بۆ دەنێرن. لەو قسانەدا بووین، لەپڕ ئۆتۆمبێلێکی پێشمەرگە هاتە بەردەرگای بارەگاکە.
دوو پێشمەرگە دابەزین و خواردنیان دابەزاند. بەدوایدا سواربوونەوە و ڕۆیشتن. جەنگاوەرانی دوئێخ نەوشە داوایانلێکردین نانی نیوەڕۆیان لەگەڵ بخۆین. یەکێک لە جەنگاوەرەکان بەگاڵتەوە دەیگوت: ئێمەش وەکوو ئێوە دەعوەتین، هەردوولامان نیوەڕۆ دەعوەتی پێشمەرگەین! دواتر عەمید سەردار کەریم، جێگری فەرماندەی میحوەری تلکێف، بە (رووداو) ی گوت: ئەوانە برای ئێمەن و هیچ جیاوازییان نییە لەگەڵ پێشمەرگەدا. بۆیە وەکچۆن خواردن بۆ پێشمەرگە دابین دەکەین، ئاواش بۆ ئەوانیش نان دەهێنین.
$شەڕی براکوژی$
جەنگاوەرانی دوئێخ نەوشە سەر بە پارتی نیشتمانیی ئاشوورین. ئەمەش وادەکات وەکوو میلیشیایەکی حیزبی تەماشایان بکرێت. بەڵام ئەڵبێرت کیسۆ ئەمە ڕەتدەکاتەوە و دەڵێت: ئێمە بە هیچ شێوەیەک میلیشیا نین. هێزێکی نیشتمانین و ئامانجمان پارێزگاریکردنە لە گەلی خۆمان. ڕاستە پارتی نیشتمانیی ئاشووری ڕۆڵی لە دامەزراندنی دوئێخ نەوشەدا هەبووە، بەڵام ئێستا سەر بەو پارتە نین.
لە میدیاکاندا وا بڵاوکراوەتەوە کە پارتێکی دیکەی ئاشووریش خەریکی درووستکردنی هێزێکی چەکدارە. کیسۆ ئاگاداری ئەو هەوڵانە نییە، بەڵام بەدووری دەزانێت ئەگەر ئەو هێزانە درووست ببن شەڕی براکوژی لەنێو ئاشوورییەکاندا لەنێوان ئەو هێزانەدا درووست بێت.
کیسۆ لەبارەی ئاییندەی دوئێخ نەوشەشەوە دەڵێت: ئێمە بەهۆی شەڕی داعشەوە دامەزراوین و ئامانجمان ئەوەیە پارێزگاری لە خاکە پیرۆزەکەمان بکەین. هەمووشمان کەسانی خۆبەخشین. بۆیە ئەگەر شەڕی داعش تەواو بێت دەگەڕێینەوە سەر ژیانی ئاسایی خۆمان و چەکەکانمان دادەنێین. [1]