چەند ڕۆژێک لەمەوبەر، ئەحمەد نەجم، سکرتێری #بافڵ تاڵەبانی# پەیوەندی بە #محەمەد ڕەئوف#، سەرنووسەری درەو میدیاوە دەکات و پێی دەڵێ: وەرە بۆ دەباشان کاک بافڵ دەیەوێ بتبینێ. ئەویش لە وەڵامدا دەڵێ: ببوورە من ئەو سەردانە بە گونجاو نازانم و پێی بڵێ داوای لێبووردن دەکەم.
دوای گفتوگۆیەکی چەند خولەکی، محەمەد ڕەئوف ڕازی نابێ سەردانی دەباشان بکات. بەڵام دوای چەند خولەکێک، بافڵ تاڵەبانی خۆی پەیوەندی بە محەمەدەوە دەکات و پێی دەڵێ: ئەگەر نایەی بۆ دەباشان ئێستا هێزێکی دژە تیرۆر دەنێرم بەس بە شەق بتهێنن تا ئێرە.
دوای ئەو هەڕەشەیە، محەمەد ڕەئوف لە ترسی هەڕەشەکە دەچێ بۆ دەباشان و لەوێ بافڵ تاڵەبانی دەبینێت.
بەپێی ئەو زانیاریانەی کە لە کەسانی نزیکی محەمەد ڕەئوفەوە ئاشکرا کراوە، لە چاوپێکەوتنەکەدا بافڵ تاڵەبانی هۆشداری داوەتە محەمەد ڕەئوف لەسەر بڵاوکردنەوەی هەواڵەکان و پێی وتووە: دەبێ سنووری خۆت بزانی، زۆر شت لەسەر یەکێتی بڵاو نەکەیتەوە. ئەگەر ڕەخنەشت گرت، تا ئەندامانی مەکتەبی سیاسی دەتوانی ڕەخنە بگری، بەڵام لە سەرووی ئەوانەوە دەبێ ئاگاداری خۆت بیت و زیاد لە حەد پێت ڕانەکێشی.
محەمەد ڕەئوف، لە ژێر گوشاری ترس، بەڵێنی بە بافڵ تاڵەبانی داوە کە بەو جۆرە کار بکەن کە ئەو دەیەوێ. [1]

لە دیدارەکەدا گفتوگۆ لەبارەی دۆخی هونەر و هونەرمەندان لە هەرێمی کوردستان کرا و هۆکار و چارەسەرکردنی کێشەکان بۆ بەرەوپێشچوونی بوارە جیاوازەکانی هونەر تاوتوێکرا و مامۆستا #بەدیعە دارتاش# چەند پێشنیار و سەرنجێکی گرنگی خستەڕوو. لەبەرانبەردا #بافڵ تاڵەبانی# سوپاس و پێزانینی ئاڕاستەی مامۆستا بەدیعە کرد لەبەرانبەر زیاتر لە نیو سەدە بەخششی هونەری و خزمەتەکانی لە ناوەندە ئەکادیمییەکاندا و وتی، ئێوە نموونە و پێشەنگی ئێمەن و خۆمان بە قەرزاری ماندووبوونتان دەزانین. سەرۆکی #یەکێتیی نیشتمانیی کوردستان# لەبارەی پێشنیارەکانەوە بەڵێنی پشتیوانی و هاوکاری خۆی و یەکێتی بۆ هونەرمەندان دووپاتکردەوە و ڕایگەیاند، کوردستان خاوەنی میراتێکی دەوڵەمەندی هونەرییە، ئەمەش جێگای شانازیمانە و دەبێت پەرەی زیاتری پێبدەین. یەکێتیی نیشتمانیی کوردستان لە ڕابردوودا پشتیوانتان بووە و دڵنیابن لە داهاتووشدا بەردەوام دەبین و خزمەتتان دەکەین. [1]

#بافڵ تاڵەبانی#، سەرۆکی #یەکێتیی نیشتمانیی کوردستان# لە دەباشان پێشوازی لە موحسین مەندەلاوی، جێگری یەکەمی سەرۆکی ئەنجوومەنی نوێنەرانی ئێراق کرد.
لە دیدارێکدا گفتوگۆ لەبارەی هەماهەنگی و هاریکاریی نێوان دامەزراوە دەستوورییەکانی ئێراق و بەردەوامی هەوڵەکان کرا بۆ پارێزگاریکردن لە مافەکانی هەموو گەلانی ئێراق و ڕاپەڕاندنی ئەرکە نەتەوەیی و نیشتمانییەکان.

بافڵ تاڵەبانی ستایشی ڕۆڵی ئەرێنیی ئەنجوومەنی نوێنەرانی کرد لەبەرانبەر پڕۆژە یاسای بە پارێزگابوونی #هەڵەبجە# و هیوای خواست کۆدەنگییەکی نیشتمانی سەبارەت بەم پرسە گرنگە بێتە ئاراوە و پشتگیری لێبکرێت.
لەبارەی خوێندنەوە بۆ پڕۆژەیاسای بودجە و پەسەندکردنی، بافڵ تاڵەبانی ڕایگەیاند، پەسەندکردنی بودجە و گەرەنتیکردنی مافەکانی کورد لە یاساکەدا، هەنگاوێکی گرنگ دەبێت بۆ سەقامگیریی سیاسی و ئابووری لە وڵات و هەڵدانەوەی لاپەڕەیەکی نوێ بۆ هەماهەنگی و کاری پێکەوەیی لەپێناو بوونیادنانی داهاتوویەکی گەشتر. [1]

#بافڵ تاڵەبانی#، سەرۆکی #یەکێتیی نیشتمانیی کوردستان# لە دەباشان پێشوازی لە موسەنا سامەرائی، سەرۆکی هاوپەیمانیی عەزم کرد.
‏‎لە دیدارێکدا دوایین گۆڕانکارییە سیاسی و ئابوورییەکان تاوتوێکران و جەخت لە هەماهەنگی نێوان هێز و لایەنە سیاسییەکان و بەردەوامیی گفتوگۆکان کرایەوە لەپێناو چارەسەرکردنی کێشەکان و پاراستنی سەقامگیری لە وڵاتدا.

‏‎ڕێککەوتنی نێوان هەرێم و #بەغدا# لەسەر پرسی نەوت و هەناردەکردنی تەوەرێکی تری کۆبوونەوەکە بوو و بافڵ تاڵەبانی ئاماژەی بە گرنگی ڕێککەوتنەکە کرد و ڕایگەیاند، یەکێتی لە سەرەتاوە لەگەڵ چارەسەرکردنی یەکجارەکی کێشەکان و کۆتاییهێنان بە ناکۆکییەکان بووە. ڕێککەوتنی هەرێم و بەغدا سەبارەت بە پرسی نەوت و هەناردەکردنی لە ڕێگەی سۆمۆوە، هەنگاوێکی گرنگە بۆ دەستپێکردنی قۆناغێکی نوێی سیاسی و چارەسەرکردنی کێشەکان لە ڕێگەی دەستوورەوە. [1]

#بافڵ تاڵەبانی#، سەرۆکی #یەکێتیی نیشتمانیی کوردستان# لە دەباشان پێشوازیکرد لە ئۆلیڤییێ دیکوتینێ، کونسوڵی گشتیی فەڕەنسا لە ھەرێمی کوردستان.
لەدیدارەکەدا دۆخی سیاسیی هەرێم و پرسی هەڵبژاردن تاوتوێکرا و لەوبارەیەوە بافڵ تاڵەبانی هەڵوێستی یەکێتی ڕوونکردەوە و ڕایگەیاند، هیچ ڕێگایەک ناتوانێت کێشەکانی هەرێم چارەسەر بکات جگە لە گفتوگۆ و لێکتێگەیشتن. پێویستە هەموومان میکانیزمێکی گونجاو و نیشتمانی بۆ چارەسەرکردنی کێشەکان بدۆزینەوە و بڕوامان بە سازان و پێکەوەیی هەبێت، ئەمەش ئەو هەنگاوە نیشتمانییەیە کە بەرەو ئاشتەوایی و سەقامگیریمان دەبات.
لە درێژەی دیدارەکەدا پەرەپێدانی پەیوەندییەکانی نێوان هەردوولا و فراوانکردنی هەماهەنگییەکان بە ئامانجی بەدیهێنانی بەرژەوەندییە باڵاکان و خزمەتکردن بە بەرژەوەندییە گشتییەکان جەختیلێکرایەوە. [1]

لە دیدارێکدا کە #ڕەفعەت عەبدوڵڵا#، بڕیاردەری دەستەی کارگێڕی ئامادەبوو، دوایین گۆڕانکارییە سیاسی، ئابووری و ئەمنییەکانی هەرێم و ئێراق گفتوگۆیدان لەبارەوەکرا و جەخت لە بەردەوامیی دیالۆگی نیشتمانی و بوونیادنەرانە کرایەوە بەئامانجی چارەسەرکردنی کێشەکان و پاراستنی سەقامگیریی ناوچەکە.
#بافڵ تاڵەبانی# لەبارەی دۆخی هەرێم بە گشتی و پرسی هەڵبژاردن و سەربەخۆیی دەسەڵاتی دادوەری بەتایبەت ڕایگەیاند، سیاسەت و ستراتیژی یەکێتی سەبارەت بە پرسی هەڵبژاردن ڕوونە و لە سەرەتاوە لەگەڵ ئەنجامدانی هەڵبژاردن بووین بەڵام هەڵبژاردنێکی بێگەرد و دوور لە دەستوەردان. ئەمەش بە یاسایەکی نوێ و کۆمیسیۆنێکی بەهێز دەکرێت نەک یاسایەک دەرفەت بۆ هەڵبژاردنێکی ڕووکەش بڕەخسێنێت. ئێستاش کات ماوە و دەتوانرێت بە سازان پرسەکە یەکلایی بکرێتەوە کە ئەمەش خواستی زۆرینەی لایەنە سیاسییەکانی هەرێمە.

‏‎وتیشی، بەداخەوە سەروەریی دەسەڵاتی دادوەری لەژێر پرسیاردایە و حزب دەستوەردان لە کارەکاندا دەکات، ئەمەش پێشهاتێکی مەترسیدارە و دەبێت ڕێگریی لێبکرێت.
‏‎لەبارەی پەیوەندییەکانی نێوان هەرێم و بەغدا و هەوڵە ئەرێنییەکان بۆ چارەسەرکردنی کێشەکان بافڵ تاڵەبانی وتی، کاری پێکەوەیی لەگەڵ دۆستەکانمان لە بەغدا و فراوانکردنی هاوکاری و هەماهەنگییەکان لە بوارە جیاوازەکاندا، فاکتەری بەهێزبوون و مانەوەمانە وەک قەوارەیەکی بەهێز و خزمەتکردنی زیاتری خەڵکەکەمان.
‏‎هەر لە دیدارەکەدا سەرۆکی #یەکێتیی نیشتمانیی کوردستان# ئاشکراشیکرد، ئەو دۆخە سیاسییەی ئەمڕۆ ڕێکەوتی #07-06-2023# لە هەرێم هاتووەتە ئاراوە نەک خزمەت بە هیچ لایەنێک ناکات بەڵکوو لە سیاسەت و حوکمڕانییەکی تەندرووست دوورمان دەخاتەوە، ناشتوانین کۆتایی بەو دۆخە بهێنین ئەگەر واز لە عەقڵییەتی سەپاندن و تاکڕەوی نەهێنین و پێکەوە لەپێناو بەدیهێنانی بەرژەوەندییە نەتەوەیی و نیشتمانییەکان کار نەکەین. [1]

لە دیدارێکدا کە #نوخشە ناسیح#، قائیمقامی پارێزگای #هەڵەبجە# و #وەهاب هەڵەبجەیی#، بەڕێوەبەری گشتیی دژەتیرۆر ئامادەبوون، گفتوگۆ لەبارەی دۆخی تەندرووستی و ژیانی تاقانەکانی هەڵەبجە و بەرکەوتووانی چەکی کیمیایی کرا و لە چەند خاڵێکدا تاقانەکان خواست و داواکارییەکانیان خستەڕوو.

لەبەرانبەردا #بافڵ تاڵەبانی# پشتیوانی خۆی و یەکێتی بۆ داواکارییەکانیان خستەڕوو و ڕایگەیاند، ئێوە ڕۆڵەی ئێمەن و لە هەموو قۆناغەکانی ژیاندا لەگەڵتان دەبین و پشتیوانتانین. کار لەسەر هەموو داواکارییە ڕەواکانتان دەکەین و نوێنەرانمان لە هەرێم و #بەغدا# بەدیهێنەری مافەکانتان دەبن. ئەو خوشک و برایانەشمان کە تەندرووستییان ناجێگیرە و پێویستیان بە هاوکاری هەیە، بێگومان بەدەنگەوەهاتنی خێرامان دەبێت و لەخزمەتتاندا دەبین.

هەر لە دیدارەکەدا سەرۆک بافڵ ئاماژەی بە مێژووی خەبات و قوربانییەکانی هەڵەبجە و هەڵەبجەییەکان کرد و وتی، بەدرێژایی مێژوو هەڵەبجەییەکان نموونەی خەبات و تێکۆشان بوون لەپێناو کوردستان و لەرووی فەرهەنگیشەوە مێژوویەکی درەوشاوی هەیە. وتیشی، کیمیابارانی هەڵەبجە بۆ هەمیشە لە یادەوەریماندا ئامادەیی هەیە و هەموو خزمەتەکانی ئێمە بارتەقای قوربانییەکانی ئێوە نییە. بۆیە بەڵێنتان پێدەدەم هەرشتێک لەتواناماندا بێت بۆ خزمەتی ئێوە ئەنجامی دەدەین.. [1]

لە دیدارێکدا کە #ڕەفعەت عەبدوڵڵا#، بڕیاردەری دەستەی کارگێڕی و د. #جوان ئیحسان#، ئەندامی مەکتەبی سیاسی ئامادەبوون، دوایین گۆڕانکارییە سیاسییەکانی هەرێم و هەنگاوەکان بۆ چارەسەرکردنی یەکجارەکی کێشەکان گفتوگۆیان لەبارەوەکرا.
#بافڵ تاڵەبانی# ئاماژەی بە سەرخستنی هەوڵە نیشتمانییەکان کرد بۆ هێنانەکایەی سەقامگیری لە بوارە جیاوازەکان و هەنگاوەکانی حکومەت بۆ خزمەتکردنی خەڵک و ڕایگەیاند، کاری پێکەوەیی و دیدگای هاوبەش سەبارەت بە پرسە نەتەوەیی و نیشتمانییەکان فاکتەری بەدیهێنانی ئامانجە باڵاکان و دەستبەرکردنی ژیانێکی سەقامگیرە بۆ خەڵکەکەمان.
‎پرسی هەڵبژاردن تەوەرێکی تری دیدارەکە بوو و لەو بارەیەوە بافڵ تاڵەبانی وتی، ئەم پرسە ڕەهەندێکی نیشتمانی هەیە و پێویستە لەگەڵ لایەنەکان سازانی لەسەر بکرێت، دڵنیاین بە گفتوگۆ و لێکتێگەیشتن هەموو کێشەکان چارەسەر دەکەین و هەموو بیرکردنەوەیەکیشمان سەرکەوتنی هەرێمەکەمانە نەوەک بەرژەوەندییە حزبییەکان. [1]

#بافڵ تاڵەبانی#، سەرۆکی یەکێتیی نیشتمانیی کوردستان لە دەباشان پێشوازی لە دکتۆر #عەبدوللەتیف ئەحمەد مستەفا# کرد.
لە دیدارێکدا گفتوگۆ لەبارەی قووڵکردنەوە و پەرەپێدانی گیانی تەبایی و پێکەوەژیان کرا و جەخت لە هەماهەنگی و هاریکاری زیاتر کرایەوە لەپێناو گەشەپێدانی ئەو ئاشتەوایی و پێکەوەییەی لەنێوان نەتەوە و پێکهاتە جیاوازەکاندا هەیە و پارێزگاریکردن لەو بەها باڵایانەی پەیوەستن بە کایەکانی ژیانەوە.
سەرۆک بافڵ بە گرنگییەوە ئاماژەی بە ڕۆڵی مامۆستایانی ئایینی کرد لە هۆشیارکردنەوەی کۆمەڵگە و ئاڕاستەکردنی هاووڵاتیان بەرەو تەبایی و پێکەوەژیان و ڕایگەیاند، مامۆستایانی ئایینی لە شۆڕشەکانی کورددا ڕۆڵێکی گرنگیان گێڕاوە و فاکتەرێکی گرنگی سەرخستنی شۆڕش بوون، ئەمڕۆش دەبێت بە هەمان ڕۆحیەتی کوردانە و مرۆڤدۆستانەوە بەردەوامبن لە ڕێنوێنیکردنی کۆمەڵگە بە ئاڕاستەی چاکە، دوورکەوتنەوە لەبیری توندڕەوی و قووڵکردنەوەی تەبایی لەنێو کۆمەڵگەدا.[1]

ناوچەیەکی گردۆڵکەییە، دەکەوێتە دامێنی چیای #گۆیژە# لە ڕۆژهەڵاتی #سلێمانی#. ماڵی #مام جەلال# و گۆڕەکەشی هەر لەوێیە.