دەقی پەیامەکەی #نێچیرڤان بارزانی#:
زۆر بە توندی سەرکۆنەی هێرشی دڕندانەی شەوی ڕابردووی تيرۆریستانی #داعش# لە ناوچەی سەرگەڕان و قەرەچووخ لە سنووری #مەخموور# بۆ سەر خەڵکی سڤيل دەکەين کە لە ئەنجامدا سێ برا لە یەک خێزان شەهید و چەند هاووڵاتییەکی دیکەش بریندار بوون، لەگەڵ شەهیدبوونی ژمارەيەک پێشمەرگەی قارەمان و برینداربوونی ژمارەيەکی دیکەیان لە کاتی ئۆپەراسيۆنی ڕاونانی تيرۆرستاندا.
پرسە و سەرەخۆشیی قووڵمان ئاراستەی خانەوادە و کەسوکاری سەربەرزی شەهیدان دەکەین و لە دڵەوە هاوسۆز و هاوخەمیانین. خوای مەزن گیانی شەهیدان بە بەزەیی و میهرەبانیی خۆی شاد بکات و سەبووری و ئارامی بە خێزان و کەسوکاریان ببەخشێت. هيوای زووچاکبوونەوە بۆ برينداران دەخوازين.
هێرش و پەلاماری ڕۆژانەی تیرۆرستانی داعش، ئيتر کاردانەوەی توند و خێرا و گرتنەبەری ڕێکاری بەرگری و سەربازیی تۆکمەی لە عێراق و هەرێمی کوردستان دەوێت، کە سنوورێکی یەکجاری بۆ تاوان و کردەوە تیرۆرستییەکانیان دابنێت.
بۆ ئەم مەبەستە پێداچوونەوە بە دۆخ و توانا سەربازييەکاندا و هەنگاوی خێرا و هەنووکەیی بۆ هەماهەنگیی کاراتری سوپای عیراق و پێشمەرگە و بەشداری و پشتیوانیی هاوپەیمانیی نێودەوڵەتی پێویستە کە بۆشاییی ئەمنی و سەربازی بەتایبەتی لە ناوچەکانی نێوان پێشمەرگە و هێزە عێراقییەکان پڕ بکاتەوە.
لە ڕووی سیاسیشەوە دەبێ هەموو هێز و لایەنە عێراقییەکان بزانن، کە تا پرۆسەی سیاسی ڕاستەڕێ نەبێت و ئارامی و سەقامگیریی سیاسی لە وڵات جێگیر نەبێت، تیرۆرستان زیاتر دۆخەکە دەقۆزنەوە، بۆیە ئەرکی لە پێشینەی نیشتمانیی تەواوی عێراقییەکانە تا زووە ناکۆکیی سیاسی تێپەڕێنن و هەموومان پێکەوە بۆ بەرەنگاربوونەوەی تیرۆر و گێڕانەوەی ئارامی و سەقامگیری کار بکەین.
نێچیرڤان بارزانی
سەرۆکی هەرێمی کوردستان
3\12\2021[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

خەمم ئەو خەمە، قەرەچووغ بەتەمە.
قەرەچووغ: چیایەکە لە پارێزگای هەولێر، دەکەوتە نێوان ناوچەی کەندیناوە و مەخموور، لە ڕۆژاوای شاری هەولێر، لەکاتی وەرزی زستاندا لەبەر سەختی هەندێکجار تەم دەیگرێت، پەندەکە کەسێک ئەیڵێت کە پشتیوانێک یان گەورەیەکی لە ڕووداوێکدا تووشی کۆسپ بووبێت. [1]

لەساڵی 2003 دامەزراوە [1]

#شاخەوان عەبدوڵڵا#، جێگری سەرۆکی ئەنجوومەنی نوێنەرانی ئێراق بڵاویکردەوە: دواى گەیشتنی سکاڵای جووتیارانی دیبەگە و کەندیناوە و بناری چیای قەرەچوغ بەوەی زیاد لە 15 ڕۆژە ڕێگریان لێدەکرێت لە وەرگرتنی گەنمەکانیان، پەیوەندیم لەگەڵ سەرۆکوەزیران و وەزیری کشتوکاڵ و بازرگانی ئێراق کرد و ئەو نادادپەروەریەمان گەیاندە بەغدا دواجار سەر لەبەیانی ئەمڕۆ ڕێکەوتی #06-07-2023# سەرۆکوەزیرانی ئێراق پەیوەندی کرد کە فەرمانی داوە ئەو گەنمە وەربگیرێت و کێشەکەیان کۆتایی پێبێت.
ئاماژەی بەوەشکردووە: لەبارەی سەرگەڕان و توبزاوەش، بڕیاری درووستکردنی لیژنەیەکی باڵا درا بۆ ئەوەی بەپەلە سەردانی ئەو ناوچە بکەن و سەرجەم بەربەستەکانی بەردەم جووتیاران هەڵبگیرێت. [1]

#17-07-2018#

#مەسعود بارزانی# پەیامێکی سەبارەت بە هێرشەکەی شەوی ڕابردووی چەکدارانی داعش بۆ سەر ناوچەی سەرگەڕان و #قەرەچووغ# بڵاو کردەوە

بەناوی خودای مەزن و دلۆڤان

بە داخێکی زۆرەوە لە ئەنجامی پەلاماری وەحشیانەی تیرۆریستانی داعش لە شەوی ڕابردوو لە ناوچەی سەرگەڕان و #قەرەچوغ# ژمارەیەک هاووڵاتی مەدەنی و #پێشمەرگە# شەهید و بریندار بوون. پرسە و سەرەخۆشی خۆم ئاراستەی خانەوادە و کەسوکاری سەربەرزی شەهیدانی ئەو کردەوە تیرۆریستیە دەکەم و خۆم بە هاوبەشی خەمیان دەزانم. لە خودای مەزن داواکارم گیانی پاکی شەهیدەکانمان بە بەهەشتی بەرین شاد بکات و سەبر و دڵنەوایی بە کەسوکار و بنەماڵەکانیان ببەخشێت و هیوای شیفا و چاکبوونەوە بۆ برینداران دەخوازم.

سەرەخۆشی لەو شێرەژنە قارەمانە دەکەم کە سێ کوڕی لە ئەنجامی پەلاماری شەوی ڕابردووی تیرۆریستان گەییشتنە کاروانی نەمران و شەهیدبوون و، لە خودای گەورە داواکارم سەبر و ئارامی پێ ببەخشێت. گوتەکانی ئەو شێرەژنە بۆ هەموومان مایەی ورە و پێداگری و بەردەوامبوونە لەسەر ڕێباز و قەزییە باڵاکانی گەلەکەمان و، لە دڵەوە سوپاسی دەکەم.

ئەوەش ڕادەگەیێنم کە لەپێناو پاراستن و بەرگری لە خاک و نیشتیمانمان، پێویستە پێداچوونەوە و وردبینی زیاتر بە کاروباری هێزەکانی #پێشمەرگە# و هێڵە بەرگرییەکاندا بکرێت و ئیجرائاتی پێویستیش وەربگیرێت لە بەرانبەر هەر جۆرە کەمتەرخەمییەک. پێویستە بە زووترین کاتیش تۆڵەی خوێنی شەهیدەکانمان لە دوژمن بکرێتەوە.

هەزاران سڵاو لە گیانی پاکی شەهیدانی شەڕی دژی داعش و هەموو شەهیدانی ڕێگەی ئازادیی #کوردستان#.



#مەسعود بارزانی#[1]
3ی کانوونی یەکەمی 2021

هێشتا نزیکەی چوار هەزار چەکداری #داعش# لە عێراقدا هەن، زیاتر لە 300 چەکداریان لە دەوروبەری چیای قەرەچووغ لە نزیک #مەخموور#دا جێگیربوون، #پێشمەرگە#ش لە ئامادەباشیدایە بۆ وەڵامدانەوەی هەر هێرشێکی داعش.
چیای قەرەچووغ ناوچەیەکی سەخت و دژوارە، لەم وەرزەدا کەشوهەوا ساردە و مەودای بینین زۆر کەمبووەتەوە، تاوەکو گەیشتن بە سەنگەرەکانی پێشمەرگە دەبێت کاژێرێک بە نێو قوڕ و لیتەدا بڕۆیت. بەڵام پێشمەرگە گوێ بە ساردی و دۆخی تەمومژی ناوچەکە نادات و ‌بەردەوام چاویان لە هەر جموجۆڵێکە. ئەوان لە تاکتیک و شێوازی هێرشەکانی داعش تێگەیشتوون کە بەدوای کەشێکی له و شێوەیەدا دەگەڕێن بۆ هێرشکردن.
هێزەکانی پێشمەرگە زانیاریشیان پێدراوە کە لە حاڵەتی ئامادەباشیدابن بۆ بەرپەرچدانەوەی هێرشی داعش. موزەفەر جەعفەر نەقیب لە هێزی پێشمەرگە فەوجی 3ی لیوای 14 دەڵێت له ‌هەواڵگیری خۆمان زانیاریمان هەیە کە دەیانەوێت هێرشبکەنە سەرمان، حکومەتی عێراقیش ڕۆڵی زۆر لاوازە و لەم گوندانەدا هیچ توانایەکی نییه،‌ ئه و ناوچانەی خوار چیای قەرەچووغ ‌شەوان بەدەستی داعشەوەن‌.
لانیکەم 300 چەکداری داعش لە دەوروبەری چیای قەرەچووغ خۆیان کۆکردووەتەوە، هەندێکیشیان خێزان و منداڵیان لەگەڵدایە.
#وەزارەتی پێشمەرگە# زانیاری ئەوەی لایە کە داعش لە عێراق خۆی ڕێکخستووەتەوه، هەروەها پەیوەندی نێوان هێزەکانیان لە عێراق و سوریاش نەپچراوە و بەهێز بووەتەوە.
داعش هەروەها لە سوودی له و کەلێنە وەر گرتوە کە لە نێوان هێزەکانی پێشمەرگە و سوپای عێراقدا دروستبووە.
فەریق جەمال، سەرۆکی ئەرکانی هێزی پێشمەرگە دەڵێت پاش ڕوداوەکانی 16ی ئۆکتۆبەر و هاتنی سوپای عێراق و #حەشدی شەعبی# بۆ ناوچەکانی #خانەقین#، #کەرکووک#، مەخموور و تاوەکو دەچێتە ناوچەی #شنگال# هیچ هەماهەنگیەکمان لەگەڵ سوپای عێراق و هێزەکانی دیکەی حەشدی شەعبی نەماوە و بۆشاییەکی زۆر دروستبووە، ئه و بۆشاییەش بە باشی لەلایەن سوپای عێراقەوه کۆنترۆڵنەکراوە‌.[1]
#07-11-2018#

بەرەبەیانی ئەمڕۆ 25-4-2017 فڕۆکە جەنگییەکانی تورکیا لەچەند هێرشێکی دڕندانەدا بنکە و بارەگاکانی پێشمەرگە و گەریلا و شەڕڤانانیان لە چیای شنگال و چیای قەرەچووغی سەربەناوچەی دێریکی ڕۆژئاوای کوردستان بۆردومان کرد و له ‌ئەنجامدا ژمارەیەک پێشمەرگە و شەڕڤان شەهید و برینداربوون.
بۆردومانکردنی ئەم ناوچانەی کوردستان لەلایەن هێزە ئاسمانیەکانی تورکیا، ئەوپەڕی دڕندەیی و دوژمنکاری دەوڵەتی تورکیا دژ به گەلی‌ کوردستان دەگەیەنێ و لەهەمان کاتدا پێشێلکردنی سەروەری خاکی کوردستان و یاسا نێودەوڵەتییەکانە، تورکیا هەموو کات دژی کورد و دەستکەوتەکانی بووە و ئەمە یەکەم جار نییە تورکیا کۆمەڵکوژی لەدژی کورد ئەنجامدەدا‌.
ئێمە له ‌یەکێتی نەتەوەیی دیموکراتی کوردستان YNDK، ئیدانەی ئەم هێرشە ئاسمانیانەی دەوڵەتی تورکیا دەکەین و بەکارێکی شەڕانگێزی دەزانین، لەبەرئەوەی هەموو دونیا ئاگادارە پێشمەرگە و شەڕڤانان لەهەموو لایەکەوە شەڕی تاقمی تیرۆریستی داعش دەکەن و بوونەتە هۆکاری سەرەکی شکست و شکاندنی داعش لەهەموو بەرەکانی چەنگەوە، بۆیە ئێمە بانگ لە تەواوی ڕێکخراوەکانی مافی مرۆڤ و نەتەوە یەکگرتووەکانی و کۆمەڵگەی نێودەوڵەتی دەکەین سنورێک بۆ دەوڵەتی تورکیا دابنێن و،لێنەگەڕێن تورکیا جارێکی دیکە سنووری کوردستان ببەزێنی و ناوچە کوردییەکان لەفرۆکەکان و ئەرتەشی تورکیا قەدەغە بکەن، لەبەرئەوەی تورکیا ڕۆژ لەدوای ڕۆژ سیاسەتی داگیرکارانەی زێتر و فراوانتر دەکات و، هیچ کات دەست لە سیاسەتی شەڕانگێزی و دژایەتی گەلی کوردستان هەڵناگرێ.
لێرەوە پرسه و سەرەخۆشی خۆمان بە خانەوادەی شەهیدان ڕادەگەیەنێن و هیوای زووچاکبوونەوەش بۆ بریندارەکان دەخوازین و داوا لەهەموو هێزو لایەنه کوردستانیە‌کانیش دەکەین بەزووترین کات لەکۆبوونەوەیەکی فراوانی سەرجەم هیزو لایەنەکانی هەموو بەشەکانی کوردستان هەر چی کێشە و گرفت هەیە لەنێوانیان بەگیانێکی برایانە چارەسەری بکەن و بەهەموو لایەکمان پارێزگاری لەمافەکانی گەلی کوردستان و دەستکەوتەکانی لە باشوور و ڕۆژئاوا بکەین.
- نەمری و سەربەرزی بۆ شەهیدانی ڕێی ئازادی و سەربەخۆیی کوردستان.
- مردن و ڕوو ڕەشی بۆ داگیرکەران و دوژمنانی کوردستان.
مەکتەبی سیاسی
یەکێتی نەتەوەیی دیموکراتی کوردستان YNDK
هەولێر - باشووری کوردستان
25-04-2017