بەپێی ڕاگەیەندراوێکی ئاسایش، بەکارهێنانی مادە هۆشبەرەکان لە ناوچەی شارەزور لە هەڵکشانداییە.
میهرەبان سەلام، هەڵەبجە: بەڕێوەبەرایەتی ئاسایشی شارەزوور، لە ڕاگەیاندراوێکدا کە وێنەیەکی دەست ئاوێنەنیوز کەوتووە، ئاشکرایکردوە، لەماوەی 6 مانگی ڕابردوودا لەلایەن هێزەکانی ئاسایشی شارەزوورەوە سیانزە تۆمەتبار بە تۆمەتی بەکارهێنان و بازرگانیکردن بە مادە هۆشبەرەکانەوە بە بڕیاری دادوەری لێکۆڵینەوەی ئاسایشی شارەزوور و بە پێی مادەی (41)مخدرات دەسگیر کراون.
هەر لە ڕاگەیەنراوەکەدا هاتووە، ئەو تاوانبارانە پێنج کەسیان بە ڕەگەز ئێرانین و هەشت کەسی تریشیان عێراقین دۆسیەیان بۆ کراوەتەوە و سەرجەمیان ڕەوانەی دادگای تاوانەکانی سلێمانی 2 کراون.
ئەوەشی ڕونکردۆتەوە کە ماوەی سزا کانیان لە نێوان چوا مانگ بۆ سێ ساڵدایە، بڕی ئەو مادەیەش دەستی بەسەردا گیراوە (12گم و 61 سەنت بوە) وە.
هاوکات ئاماژە بەوەشدراوە کە ئاستی ڕێژەی بەکارهێنان و ئالوودەبوون لە چاو ساڵانی پێشوو لە بەرزبوونەوە دایە.
- 30-06-2013

هێمن هادی

ناونیشان: دوورکەوتنەوە لە مادە هۆشبەرەکان
نووسە: #ناز فەلەکەدین#

تووش بوون بە مادەی هۆشبەر تەنیا لاوان بە خۆ ناگرێتەوە، بەڵکوو کەسانی بە تەمەنیش ڕووی تێدەکەن، بەڵام گەنج و هەرزەکار زیاتر لە کەسی بە تەمەن تووشی گرفت و شکست دەبێت و تا کۆتایی تەمەن؛لە ناو چڵکاو و بۆ گەنی مادەی هۆشبەردا دەچەقێت.
یک لەو هۆکارانەی گەنج یان لاو تووشی دەبێت دەگەرێتەوە سەر کەسایەتی و گەشەکردنی ناجێگری کۆمەلایەتی.
زیاتر بەسەر بردن لە ژیانێکی سەخت و بێکاری و نەبوونی،
هەر وەها چەندین گرفتی دونیای سەردەمیانەی ئەمڕۆ لە ڕووی کۆمەلایەتی و خێزانی هەروەها بایەخدان و جێبەجێ کردنی هەر ویست و ئارەزوویەکی مناڵ بە جۆرێک لە ڕادەبەدەر مناڵ وەک بووکەلەی مۆمیا کراو هەموو شت بێ ماندوو بوون بە ئاسانی بە دەست بێنێت، دەبێتە هۆی درووست بوونی کەسێکی لاواز و وەک گەلای داری پایزی زوو هەڵدەوەرێت.
درووست کردنی فەرق و جیاوازی نێوان مناڵان لە خانەوادە/ بێ ئاگا بوونی خانەوادە لە هەڵبژاردنی دۆست و هاوڕێی مناڵەکانیان، هۆکارێکن بە تووش بوون بەم نەخۆشی کوشندەیە.
ناجێگر بوونی شوێنی نیشتە جێ بوون - پەنابەری - نایکسانی ئابووری - چینایەتی نایکسان لە کۆمەڵگا....هۆکاری ترن بۆ تووش بوون بەم گرفتە مەرگبارە.
خۆ گرتن بە مادەی هۆشبەر نەخۆشییەکی جەستەیی، فیکری، دەروونی، سۆزدای، کۆمەلایەتیە! ئەم خوگرتنە ڕۆژ بە ڕۆژ زیاتر و زیاتر مرۆڤ لە مەنجەنیخی مەرگەساتە نوقم دەکات.
لێرەدا ئاماژە بەوە دەکەم کە ئەم مادەیە زەنگێکی خەتەرە بۆ لاوان و هەرزەکاران و بێجگە لە کاردانەوەی وێران کەر و ڕۆژانی ڕەشی داهاتوو هیچی بە دوا نییە. [1]

هۆکارەکانی ئالودەگی و شێوازەکانی خۆپاراستن و بەڕەنگاربوونەوەیان
نووسینی: عەتای مەلا کەریم
بڵاوکار: پرۆژەی کتێبی زانستی
ساڵی چاپ 2008

ناونیشانی پەرتووک: قوربانیانی مادە هۆشبەرەکان
ناوی نووسەر: #حسێن مەحمود هەڵەبجەیی#. [1]

بەوتەی بەڕێوەبەری هۆبەی نەهێشتنی مادە هۆشبەرەکان، تەنیا لە ماوەی ئەمساڵدا (2013) لە سلێمانی 155 بەکارهێنەرو بازرگانی مادە هۆشبەرەکان دەستگیرکراون.
سلێمانی، ئاوێنەنیوز: لە کۆنگرەیەکی ڕۆژنامەوانیدا کە ئەمڕۆ چوارشەممە لە سلێمانی بەڕێوەچو، بەڕێوەبەری هۆبەی نەهێشتنی مادە هۆشبەرەکان لەئاساییشی سلێمانی، عەمید جەلال ئەمین بەگ، ئاماری کاروچالاکییەکانی ساڵی 2013ی هۆبەی نەهێشتنی مادە هۆشبەرەکانی خستەڕو.
عەمید جەلال وتی، لەسەرەتای ئەمساڵەوە تا ئەمڕۆ 155 کەس بەتۆمەتی بەکارهێنان و بازرگانیکردن بەماوە هۆشبەرەکانەوە دەستگیرکراون. ناوبراو وتیشی، عەرەب، فارس، تورک و کورد لەناو ئەو کەسانەدا هەن کە بەتۆمەتی بەکارهێنان و بازرگانیکردن بەمادە هۆشبەرەوە دەستگیر کراون.
عەمید جەلال ئەمین بەگ ئەوەشی خستەڕو کە لەو ژماریە توانراوە بە فەرمانی دادوەر 40 کەس لەوانە سزای خۆیان وەربگرن، 40ی دیکەشیان تۆمەتەکەیان لەسەر ساغ نەبووەتەوە، بۆیە بە فەرمانی دادوەر ئازاد کراون، ئەوانەی دیکەشیان لەژێر لێکۆڵینەوەدان.
بەڕێوەبەری هۆبەی نەهێشتنی مادە هۆشبەرەکان ئەوەشی وت کە دوێنێ سێشەممە، لەبازگەی عەربەت سلێمانی دەستبەسەر نیو کیلۆ تریاکدا گیراوە کە لەلۆرییەکداو لەناو دەبەی ترشیاتدا گوازرابوەوە، بەڵام خاوەنی لۆریەکە ئاگاداری ئەوە نەبووە کە ئەو مادەیەی تێدایە.
عەمید جەلال وتی، ئەو دەبە ترشیاتەی مادەکەی تێدابوە بەکەسێکدا بۆ یەکێکی دیکە نێردرابو کە دواتر توانیمان بەپلانێک ئەو کەسە بدۆزینەوە و دەستگیری بکەین کە هاووڵاتی هەرێمی کوردستان نییە و بیانییە.
04-12-2013

بە گوێرەی ئامارەکان لە #کەرکووک# بەکارهێنان و بازرگانیکردن بەمادەی هۆشبەر ڕووی لە زیادبوون کردووە و لە ماوەی شەش مانگدا زیاتر لە 10 ملیۆن حەبی هۆشبەر دەستیان بەسەردا گیراوە.
بە گوتەی تووشبوویەکی مادە هۆشبەرەکان لە کەرکووک دەڵێت: زۆربەی ئەو مادانە لەڕێگەی ئێرانەوە هاوردەی کوردستان دەکرێن و داوا لە حکوومەت دەکەم چاودێریی چایخانە و کافتریاکان بکات، چونکە زۆربەی ئەو کەسانەی کە تووش بوون، هاتوچۆی ئەو چایخانانە دەکەن.
بەپێی ڕاپۆرتی کەناڵی (کوردستان 24) لە ماوەی شەش مانگدا لە کەرکووک دوو کارگەی بەرهەمهێنانی مادەی هۆشبەر داخراون و 10 ملیۆن و 50 هەزار حەبی ترامادۆڵ و 14 هەزار حەبی (ئێکس تی ڤی) و سێ کیلۆ کریستاڵ و بڕێک هێرۆئین و تریاکیش دەستیان بەسەردا گیراوە.
هاوکات بەو بۆنەوە بەکاربەرهێنان و مامەڵە و بازارگانیکردن بە مادە هۆشبەرەکان لە کەرکووک دەستگیر کراون کە 12 کەسیان لەلایەن دادگاوە سزاکانیان یەکلایی کراوەتەوە و لە سەرەتای مانگی هەشتی ئەمساڵیشەوە سزا و ڕووبەڕوو بوونەوەی تاوانبارانی مادە هۆشبەرەکان توندتر بووە.[1]
24-08-2017