#02-04-2018#

بەڕێزان بنەماڵەی خوالێخۆشبوو نووسەرو وەرگێڕی ناسراوی کوردستان مامۆستا عەزیز گەردی
سڵاوێکی گەرم...
بەخەم و پەژارەیەکی زۆرەوە هەواڵی کۆچی دوایی نووسەر و وەرگێڕی ناسراوی کوردستان (د. عەزیز گەردی)یمان پێگەییشت، خوالێخۆشبوو ڕۆڵێکی بەرچاوی لە بزاڤی ڕۆشنبیریی گەلی کوردستان هەبوو، لە بواری نووسین و وەرگێڕاندا خزمەتێکی زۆری بە گەلی کوردستان کردو بە بەرهەمەکانی کتێبخانەی کوردی دەوڵەمەند کرد، لەدەستدانی مامۆستا عەزیز گەردی زیانێکی گەورەیە بۆ تەواوی بزاڤی کلتوری کوردستان.
بە ناوی خۆمان و ئەندامانی مەکتەبی سیاسی و کۆمیتەی سەرکردایەتیی یەکێتی نەتەوەیی دیموکراتی کوردستان پرسە و سەرەخۆشیی گەرمی خۆمان ئاراستەی ئێوەی بەڕێزو تەواوی خزمان و کەسوکاری خوالێخۆشبوو و تەواوی نووسەران و ڕۆشنبیرانی کوردستان دەکەین و خۆمان بە هاوبەشی خەمتان دەزانین و، لە یەزدانی مەزن داواکارین خوالێخۆشبوو بخاتە بەر ڕەحمەت و دلۆڤانی خۆی و دڵنەوایی و ئارامی بە هەموو لایەک ببەخشێت.[1]

#غەفوور مەخمووری#
سکرتێری گشتیی
#یەکێتی نەتەوەیی دیموکراتی کوردستان YNDK#
#06-06-2022#

دەقی پەیامەکەی غەفوور #مەخموور#ی، سکرتێری گشتی یەکێتی نەتەوەیی دیموکراتی کوردستان:
- جەماوەری خۆڕاگرو وڵاتپارێزی کوردستان...
- کەس و کارو بنەماڵەی سەربەرزی شەهیدانی کوردستان...
- حزب و لایەنە سیاسییە تێکۆشەرەکان و ڕێکخراوەکانی کۆمەڵگەی مەدەنی...
جەژنی نەورۆزو ساڵی نوێی کوردیتان پیرۆزبێت...
بەبۆنەی جەژنی نەورۆزو سەری ساڵی کوردییەوە جوانترین پیرۆزبایی لە تەواوی گەلی کوردستان و بنەماڵەی سەربەرزی شەهیدان و کەسوکاری ئەنفالکراوان و هێزەکانی پێشمەرگەی کوردستان و گەریلا و #شەڕڤان#ان و زیندانیانی سیاسی نێو زیندانەکانی داگیرکەرانی کوردستان و ئێوەی خۆشەویست دەکەم و، هیڤیدارم ئەم نەورۆزە ببێتە نەورۆزی سەرخۆبوون و ئازادی کوردستان و ڕزگاربوونی نەتەوەکەمان لەژێردەستی داگیرکەران.
بێگومان نەورۆز سیمبوڵی نوێبوونەوەو دەستپێکردنی ژیانێکی نوێیە، ئومێد دەکەين ئێمەی کوردیش وەکو نەورۆز دەست بە ژیانێکی نوێتر بکەین و کارنامەو بەرنامەیەکی نوێ بۆ داهاتوومان دابڕێژین و بەرەو ئایندەیەکی گەش هەنگاو بنێین، ئەمەیش بە ڕێکخستنەوەی ناوەندی سیاسی کوردستان و یەکڕیزی و یەکدەنگی گەلی کوردستان و لایەنە سیاسییەکان دێتەدی، بۆئەمەش پێویستە بە زووترین کات (ئەنجوومەنی سیاسیی کوردستان) بە بەشداری تەواوی هێزو لایەنەساسییەکانی کوردستان پێکبهێنرێت، بێگومان ئەمەیان بۆ چارەسەرکردنی کێشەکانی باشووری کوردستان دەبێتە فاکتەرێکی بەهێز، لەهەمان کاتدا لەسەر ئاستی نەتەوەیی پێویستە هەموو لایەکمان کار بۆ یەکبوونی کوردان و بەستنی کۆنگرەیەکی نەتەوەیی بکەین کە تەواوی هێزو لایەنە سیاسییەکانی کوردستانی مەزن بگرێتەخۆ، ئەمەش ئەڕکێکی بەپەلەی نەتەوەیی و نیشتمانی ئەم قۆناخەی خەباتی گەلی کوردستانە، لەسەر هەموو لایەکمان پێویستە کار بۆ یەکڕیزی و یەکدەنگی بکەین، لەبەرئەوەی تەنها به یەکڕیزی و یەکدەنگی دەگەین بە ئازادی و سەربەخۆیی کوردستان.
- جەماوەری تێکۆشەرو خۆڕاگری کوردستان...
نەورۆزی ئەمساڵمان لەگەڵ نەورۆزی ساڵانی ڕابردوو جیاوازە، لە لایەک ڕژێمی عێراق کە لە 16 ی ئۆکتۆبەری 2017 ەوە #کەرکووک# و مەخموور و شنگاڵ و زوممار و توز#خورماتوو#ی داگیرکردۆتەوە لەو کاتەوە تا ئێستا ڕەوشی ئەو ناوچانەی داگیری کردوونەتەوە ئاسایی نەکراونەتەوە، هەروەها دەسەڵاتدارانی عێراق بەردەوامن لە جێبەجێکردنی سیاسەتی پەراوێزخستن و بەرسیکردنی گەلی کوردستان، لەلایەکی دیکەوە ڕژێمی داگیرکەری تورکیا سەرەڕای دژایەتی و پێشێلکارییەکانی بەرامبەر نەتەوەکەمان لە باکووری کوردستان، بەردەوام شەڕ بە باشوورو ڕۆژئاوای کوردستانیش دەفرۆشێت، ئەوەبوو لە ساڵی 2018 تورکیای فاشی هێرشی کردە سەر ڕۆژئاوای کوردستان و، دوای بەرخودانێکی بێوێنەی شەڕڤانان و گەلەکەمان لە هەمبەر هێرشی ڕژێمی تورکیا و چەتەکانی بۆ سەر ڕۆژئاوای کوردستان، ڕژێمی تورکیای فاشی و خوێنڕێژ لە 18 / 3 / 2018 ەوە عفرینی قەڵای بەرخودانی داگیرکردووەو لەو کاتەوە تا ئێستا دەستی بە وێرانکردنی شارەکە و ئاوارەکردن و جینۆسایدکردنی خەڵکەکەی کردووە و لەهەمان کاتدا ڕژێمی تورکیا بەردەوامە لە هەوڵەکانی بۆ گۆڕینی دیموگرافیای ڕۆژئاوای کوردستان، هەروەها ڕژێمی ئێران لە ڕۆژهەڵاتی کوردستان بەردەوامە لەسەر گرتن و لە سێدارەدانی چالاکوانان و گەنجانی نەتەوەکەمان، بێگومان تێکڕای ئەم تاوانانەش بە بەرچاوی هەموو دونیاوە ئەنجامدەدرێن و، وڵاتانی زلهێزی ویژدان مردوو بێدەنگن و ئارەقەی شەرمەزاریان لێدەتکێت، لێرەوە جارێکی دیکە زۆر بەتوندی داگیرکردنی کەرکووک و عفرین و گرتن و لە سێدارەنی لاوانی ڕۆژهەڵاتی کوردستان و تەواوی سیاسەتی داگیرکەرانی کوردستان دژ بە گەلی کوردستان ئیدانەو مەحکووم دەکەین و، لەهەمان کاتدا سڵاوو ڕێزو خۆشەویستیمان بۆ خەڵکی خۆڕاگری گەلەکەمان لە کەرکووک و عفرین و مەخموور و شنگاڵ و زوممار و توزخورماتوو هەیە و، پێیاندەڵێین کەوا ئەو داگیرکارییە تا سەر نابێت و، پێشهاتەکان پێماندەڵێن داگیرکەران باجی قورسی ئەو سەرەڕۆییانەی خۆیان دەدەن و دەچنە زبڵدانی مێژووەوە.
لەگەڵ ڕێزو خۆشەویستی و پیرۆزبایی دووبارەمان بۆ هەموو لایەک.
هەر بژین و سەرکەوتووبن و سەربەخۆیی کوردستان ببینن.
غەفوور مەخمووری
سکرتێری گشتیی
یەکێتی نەتەوەیی دیموکراتی کوردستان YNDK
ئێوارەی 20 / 3 / 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

برای بەڕێزم کاک حازم #تەحسین بەگ#
بەڕێزان تەواوی ئەندامانی بنەماڵەی بەڕێزی میر تەحسین سەعید عەلی بەگ
سڵاوێکی برایانەی گەرم...
بەخەم و پەژارەیەکی زۆرەوە هەواڵی کۆچی دوایی میر تەحسین بەگ میری ئێزیدیخان و تەواوی ئێزدییانی جیهانمان پێگەیشت، کۆچی دوایی میر تەحسین بەگ هەموو لایەکمانی خەمبارکرد، بەناوی خۆمان و ئەندامانی مەکتەبی سیاسی و کۆمیتەی سەرکردایەتی و تەواوی ئەندامانی یەکێتی نەتەوەیی دیموکراتی کوردستان YNDK پرسەو سەرەخۆشی گەرمی خۆمان ئاراستەی بەڕێزتان و بنەماڵە سەربەرزەکەتان و جڤاتی ڕۆحانی ئێزدی و تەواوی ئێزدیانی کوردستان و جیهان دەکەین و خۆمان بە هاوبەشی خەمتان دەزانین.
بێگومان میر تەحسین بەگ ڕۆڵێکی کارای هەبوو لە ئاشتەوایی کۆمەڵگا و قوڵکردنەوەی زیاتری گیانی برایەتی و بەیەکەوە ژیان لە نێو پێهاتەکانی کوردستاندا، بۆیە لەدەستدانی کەسایەتییەکی وەک میر تەحسین بەگ زیانێکی گەورەیە بۆ تەواوی پێکهاتەکانی کوردستان، ئومێد دەکەین ئەوە دواناخۆشیتان بێت و لە یەزدانی مەزن دەپاڕێینەوە میر تەحسین بەگ بخاتە بەر ڕەحمەت و دلۆڤانی خۆی و دڵنەوایی و ئارامییش بە هەموو لایەک ببەخشێت.
لەگەڵ ڕیزی دووبارەماندا.
براتان
#غەفوور مەخمووری#
سکرتێری گشتیی
یەکێتی نەتەوەیی دیموکراتی کوردستان YNDK
#28-01-2019#

- جەماوەری خۆڕاگرو تێکۆشەری کوردستان...
- کەس و کار و بنەماڵەی سەربەرزی شەهیدانی کوردستان...
وەک هەموو لایەک ئاگادارن بەرەبەیانی ڕۆژی 16-10-2017 میلیشیاکانی حەشدی شەعبی و سوپای عێراق هێرشێکی دڕندانەیان کردە سەر کەرکووک و توزخورماتوو و خانەقین و شنگاڵ و مەخموور، ئەوەش بووە هۆی ئاوارەبوون و دەربەدەربوونی هەزاران هاوڵاتی سڤیل، میلیشیاکانی حەشدی شەعبی و سوپای عێراق چەندین تاوانیان دژ بە هاوڵاتییان ئەو شارو شارۆچکانە ئەنجامدا، هەر لە دەربەدەرکردنی هاوڵاتیانی سڤیل تا دەگاتە کوشتن و ماڵ سوتاندن و تاڵانکردنی ماڵ و سامانی خەڵک، ئەمەش ئەوەی وەدەردەخات کەوا دەسەڵاتدارانی ئێستای عێراق دەیانەوێ هەمان سیاسەتی هەلەی حکومەتەکانی پێشووی عێراق دووبارە بکەنەوە، ئێمە وەکو #یەکێتی نەتەوەیی دیموکراتی کوردستان# YNDK بەتوندی ئەو هێرش و پەلامارو دەستدرێژییانەی حکومەتی عێراق بۆ سەر ئەو ناوچانەو هاوڵاتیانی سڤیل ئیدانە و مەحکووم دەکەین و، ڕایدەگەیەنین وەک هەمیشە پێشمەرگەی پاراستنی دەسکەوتەکانی گەلەکەمان دەبین.
لێرەوە داوا لە نەتەوە یەکگرتووەکان UN و ئەنجوومەنی ئاسایش و هێزەکانی هاوپەیمانان و کۆمەڵگای نێودەوڵەتی دەکەین بەهانای گەلی کوردستانەوە بێن و بەرامبەر بەو هێرش و دەستدرێژییانەی عێراق بۆسەر خەڵکی کوردستان بێ وەڵام نەمێنن.
- هێزو لایەنە سیاسییە وڵاتپارێزەکانی کوردستان...
ئەم پیلان و هەڕەشانەی لەسەر گەلی کوردستان و ئەزموونەکەی بەڕێوەدەچێت، پیلانێکی ناوچەیی گەورەیە دژ بەگەلی کوردستان، بۆیە بۆ وەستانەوە بەڕووی ئەو پیلان و هەڕەشانە لەسەر هەموو لایەکمانە یەکدەنگ و یەکڕیز بین و ناوماڵی کوردستان بەزووترین کات ڕێکبخەینەوە، ئەمەش ئەڕکی بەپەلەی نەتەوەیی و نیشتمانی هەموو لایەکمانە و، پێویستە بەجدی کاری بۆ بکەین، لەم پێناوەدا داوا دەکەین کەوا سەرکردایەتیی سیاسیی کوردستان بەزووترین کات کۆبوونەوەی فراوانی تەواوی حیزب و لایەنەکانی کوردستان ئەنجامبدات و بڕیاری پێویست بۆ ڕووبەڕووبوونەوەی هەڕەشەکان و پاراستنی دەسکەوتەکانی گەلی کوردستان وەربگرێت.
هەروەها داوا لە تەواوی گەلی کوردستان و دەزگاکانی ڕاگەیاندنی کوردستان دەکەین، بۆ پاراستنی یەکڕیزی و یەکدەنگی گەلەکەمان خۆیان لە زمانی زبر بپارێزن و، ببنە هەوێنی گیانی تەبایی و یەکڕیزی، کە ئەمەش باشترین چەکە بۆ ڕووبەڕووبوونەوەی پیلان و هەڕەشەکانی ناحەزو دوژمنانی کوردستان.
- نەمری و سەربەرزی بۆ شەهیدانی ڕێی سەرخۆبوون و ئازادی کوردستان.
- سڵاوو ڕێز و خۆشەویستی بۆ تەواوی پێشمەرگە قارەمانەکانی کوردستان.
- مردن و ڕووڕەشی بۆ دوژمن و ناحەزانی کوردستان.
- سەرکەوێ ئیرادەی گەلی کوردستان بۆ هێنانەدی کوردستانێکی ئازاد و سەربەخۆ.
#غەفوور مەخمووری#
سکرتێری گشتیی
یەکێتی نەتەوەیی دیموکراتی کوردستان YNDK
19-10-2017 هەولێر - کوردستان

- جەماوەری وڵاتپارێزو خۆڕاگری کوردستان...
- هێزو لایەنە سیاسییەکانی کوردستان...
- بنەماڵەو کەس و کاری سەربەرزی شەهیدانی کوردستان...
زۆر بەداخەوە بەرەبەیانی ئەمڕۆ یەکشەممە ڕێکەوتی 13 / 3 / 2022، جارێکی دیکە شاری #هەولێر# کەوتەوە بەر پەلاماری ترسنۆکانەی تیرۆریستان و چەند شوێنێک کرانە ئامانج موشەکباران کران، ئەو هێرشەی دوژمنانی کوردستان تاوانێکە دژ بە تەواوی گەلی کوردستان و مرۆڤایەتی، ئەو کردەوە تیرۆریستییانەی ناحەزان و دوژمنانی کوردستان زۆر بە توندی ئیدانەو مەحکووم دەکەین و ڕەتیدەکەینەوە، دوژمنان دەبێ باش ئەوە بزانن کەوا هەولێر وەک هەمیشە بە خۆڕاگری دەمێنێتەوەو چۆک بۆ خواستەکانیان دانادات، ئەو کارە تیرۆریستییە هەولێر ڕووگەش و دوژمنانی تیرۆریستیش ڕووڕەش دەکات.
بە ئامانج گرتنی هەولێر لەم کاتە ناسکەدا، کە تەواوی عێراق و ناوچەکەو جیهانیش لە ڕەوشێکی ئاڵۆزدان، هەوڵێکە بۆ زیاتر ئاڵۆزکردنی ڕەوشی سیاسی کوردستان وعێراق، بۆیە پێویستە هەموو لایەکمان بۆ ڕووبەڕووبوونەوەی ئەو هەڕەشانە بە زووترین کات ناوەندی سیاسیی کوردستان کە پەرش و بڵاوە ڕێکبخەینەوە و، کار بۆ یەکدەنگی و یەکڕیزی هێزو لایەنە سیاسییەکان و گەلی کوردستان بکەین، بەمەش یەکڕیزی و یەکدەنگیمان دەبنە باشترین وەڵام بۆ دوژمنانی تیرۆریست و ناحەزانی کوردستان.
- سەرکەوێ خواستی ڕەوای گەلی کوردستان
- سەرشۆڕی و ڕووڕەشی بۆ تیرۆریستان و دوژمنانی کوردستان.
- نەمری و سەربەرزی بۆ شەهیدانی کوردستان.
غەفوور #مەخموور#ی
سکرتێری گشتیی
یەکێتی نەتەوەیی دیموکراتی کوردستان YNDK
13 - 3 - 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

بەڕێزان بنەماڵەی نووسەرو وەرگێڕی ناسراوی کوردستان خوالێخۆشبوو (جەلال زەنگابادی)
سڵاوێکی گەرم ...
بەخەم و پەژارەیەکی زۆرەوە هەواڵی کۆچی دوایی نووسەر و وەگێڕی ناسراوی کوردستان (جەلال زەنگابادی)یمان پێگەیشت، خوالێخۆشبوو رۆڵێکی بەرچاوی لە بزاڤی ڕۆشنبیریی گەلی کوردستان هەبوو، لە بواری نووسین و وەرگێڕاندا خزمەتێکی زۆری بە گەلی کوردستان کردو بە بەرهەمەکانی کتێبخانەی کوردی دەوڵەمەند کرد، لەدەستدانی مامۆستا (جەلال زەنگابادی) زیانێکی گەورەیە بۆ تەواوی بزاڤی کلتوری کوردستان.
بە ناوی خۆمان و ئەندامانی مەکتەبی سیاسی و کۆمیتەی سەرکردایەتیی یەکێتی نەتەوەیی دیموکراتی کوردستان YNDK پرسە و سەرەخۆشیی گەرمی خۆمان ئاراستەی ئێوەی بەڕێزو تەواوی خزمان و کەسوکاری خوالێخۆشبوو و تەواوی نووسەران و ڕۆشنبیرانی کوردستان دەکەین و خۆمان بە هاوبەشی خەمتان دەزانین و، لە یەزدانی مەزن داواکارین خوالێخۆشبوو بخاتە بەر رەحمەت و دلۆڤانی خۆی و دڵنەوایی و ئارامی بە هەموو لایەک ببەخشێت.[1]
غەفوور #مەخموور#ی
سکرتێری گشتیی
یەکێتی نەتەوەیی دیموکراتی کوردستان YNDK
5 / 9 ‌/ 2023
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

براى بەڕیزمان کاک فەرهەنگ غەفوور
بەڕێزان بنەماڵەی هونەرمەندى ناسراوی کوردستان خوالێخۆشبوو #غازى غەفوور#

سڵاوێکی گەرم ...
بە خەم و پەژارەیەکی زۆرەوە هەواڵی کۆچی دوایی هونەرمەندى ناسراوی کوردستان (غازى غەفوور) مان پێگەیشت، خوالێخۆشبوو ڕۆڵێکی بەرچاوی لە بزاڤى هونەرى گەلی کوردستان هەبوو، لە بواری شانۆ و دراما و سینەمادا خزمەتێکی زۆری بزاڤى هونەرى کوردستانى کرد و، بە بەرهەمەکانی هونەرى کوردستانی دەوڵەمەند کرد، لەدەستدانی هونەرمەند (غازى غەفوور) زیانێکی گەورەیە بۆ تەواوی بزاڤی هونەرى کوردستان.
بەناوی خۆمان و ئەندامانی مەکتەبی سیاسی و کۆمیتەی سەرکردایەتیی یەکێتی نەتەوەیی دیموکراتی کوردستان YNDK پرسە و سەرەخۆشیی گەرمی خۆمان ئاراستەی ئێوەی بەڕێز و تەواوی خزمان و کەسوکاری خوالێخۆشبوو و تەواوی هونەرمەندانى کوردستان دەکەین و خۆمان بە هاوبەشی خەمتان دەزانین و، لە یەزدانی مەزن داواکارین خوالێخۆشبوو بخاتە بەر ڕەحمەت و دلۆڤانی خۆی و دڵنەوایی و ئارامی بە هەموو لایەک ببەخشێت. [1]

براتان
#غەفوور مەخمووری#
سکرتێری گشتیی
#یەکێتیی نەتەوەیی دیموکراتی کوردستان# YNDK
#26-01-2023#
$تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!$

- غەفوور تاهیر سەعید سارمەمی ناسراو بە (غەفوور مەخمووری).
- ساڵی 1970 لە گوندی #کەندی قەلان# (وادي الغراب)ی سەر بە شارۆچکەی #مەخموور# لەدایکبووە.
- خوێندنی سەرەتایی لە قوتابخانەی میجانی سەرەتایی لە گوندی (مشار) تەواوکردووە.
- خوێندنی ناوەندی و ئامادەیی لە مەخموور و #هەولێر# تەواو کردووە.
- دەرچووی کۆلێژی ئادابی – زانکۆی سەلاحەددین – هەولێرە.
- لە ساڵی 1995 بە هاوکاری کۆمەڵێ کەسایەتی نەتەوەیی و وڵاتپارێز یەکێتی نەتەوەیی دیموکراتی کوردستان YNDKی دامەزراندووە.
- سکرتێری گشتیی یەکێتی نەتەوەیی دیموکراتی کوردستان YNDKە.
- ئەندامی #پەرلەمانی کوردستان# بووە لە خولی دووەم (2005 تا 2009).
- ئەندامی کارای سەندیکای ڕۆژنامەنووسانی کوردستانە.
- ئەندامی فیدراسیۆنی ڕۆژنامەنووسانی جیهانە IFJ.
- ئەندامی یەکێتی نووسەرانی کوردە.
- ئەندامی گەڕی یەکەمی دیالۆگی کوردی – عەرەبی بوو کە لە مایسی 1998 لە قاهیرەی پایتەختی میسر بەسترا.
- کارگێری لێژنەی باڵای بەرەنگاربوونەوەی بەعەرەبکردنی کوردستانە.
- ئەندامی لێژنەی ئامادەکاری کۆنگرەی نەتەوەیی کوردە.
- ئەندامی کۆنگرەی نەتەوەیی کوردستان KNK ە.
- خاوەن ئیمتیازی ڕۆژنامەی (میدیا)یە.
- ئەندامی زۆربەی زۆری کۆنگرە و کۆنفرانسە سیاسی و ئەکادیمییەکان بووە کە لە کوردستان و دەرەوە بەستراون.
- کۆمەڵێ وتار و لێکۆڵینەوەی هزری و ڕۆشنبیری و ئەدەبی لە گۆڤار و ڕۆژنامەکانی کوردستاندا بڵاوکردۆتەوە.
$- تا ئێستا 18 هەژدە کتێبی بەچاپ گەیاندووە، کە ئەمانەن:$
1- سەرەتایەک بۆ حەیران کورتەیەک لە ژیانی حەمەد بەگی، چاپی یەکەم، 1989
2- بناری قەرەچووغ، چاپی یەکەم، 1990
3- سێ تیشک لە پەنجەرەی شیعرەوە، چاپی یەکەم، 1991
4- حوارات حول القضية الکوردية، الطبعة الأولی، 2000
5- حەیران (چەمک – ناوەڕۆک – سەرهەڵدان)، چاپی یەکەم، 2001
6- بەعەرەبکردنی کوردستان، چاپی یەکەم، 2002
7- تعریب کوردستان، الطبعة الأولی، 2006
8- بەعەرەبکردنی کوردستان، چاپی دووەم، 2006
9- بصراحة، الجز ء الاول، الطبعة الأولی، 2010
10- هەگبەی مەخمووری، بەرگی یەکەم، چاپی یەکەم، 2010.
11- بەعەرەبکردنی کوردستان، چاپی سێیەم، 2010
12- عومەر خامۆش (کۆشیعر)، چاپی یەکەم، 2012
13- تعریب کوردستان، الطبعة الثانية، 2013
14- کۆنگرەی نەتەوەیی کورد... ئەرکە هەنووکەیی و ئامانجە ستراتیژییەکان، چاپی یەکەم، 2016
15- الحیران (مفهوما ومضمونا و ظهورا)، الطبعة الأولی، 2017
16- نحو حرية واستقلال کوردستان، الطبعة الأولی، 2017
17- مسعود البارزاني ڕمز الپێشمەرگایتي والمقاومة القومية، الطبعة الأولی، 2018
18- هزر و ڕامان، چاپی یەکەم، 2019